NAKAKALOKA NAMAN ANG isang aktres na ito. Kasi ba naman, nakipaghiwalay siya sa kanyang actor-boyfriend dahil sa isang tomboy.
Naaliw kami sa kuwento ng kanilang pag-iibigan lalo pa’t nalaman naming hindi ordinaryo ang kanilang love story.
Alam n’yo bang nagkapalagayan sila ng loob ng tomboy niyang dyowa ngayon matapos silang ipakilala sa isa’t isa ng kanyang boyfriend na aktor? Ayun, nagkahulihan sila ng loob hanggang sa ma-feel ng aktres na mahal na niya ang tomboy.
Ang nakakaloka rito, kamag-anak ng ex-boyfriend ng aktres ang tomboy. Nakakabaliw, hindi ba?
Hindi namin alam kung aware ang aktor na ang kanyang kamag-anak na lesbian ang ipinalit sa kanya ng aktres. Kung alam niya, isang malaking “ouch” ang masasabi namin sa kanya. Imagine, kalakaki niyang tao pero ipinagpalit siya sa isang tomboy.
Well, that’s life.
NAGULAT SI JED Madela dahil pati siya ay naiisyu na lilipat din sa GMA-7.
Kahit na nagbabakasyon ang singer sa Dubai noong Holy Week ay nag-tweet siya para tanungin kung bakit naiisyu na lilipat na siya sa Siyete.
Anyway, ang mukhang sure nang lilipat sa GMA-7 ay si Rachelle Ann Go. Although balitang-balita na anytime now ay aapir na siya sa Party Pilipinas, wala pa ring kumpirmasyon sa kanyang paglipat habang sinusulat namin ito.
Maging si Rachelle ay hindi pa rin alam kung ano talaga ang balak ng Viva sa kanya. Pero kung anuman iyon, wala rin naman siyang magagawa dahil management na niya ang masusunod.
Anyway, ang nakakaloka lang dito, sa kalabang show pa ng ASAP XV siya isasalang. Parang ang mangyayari sa kanya ay ‘yung nangyari kay Mark Bautista na kasamahan din niya sa Viva.
BONGGA NAMAN pala ang napangasawa ni Sunshine Dizon na si Timothy Tan.
Talagang tinotoo ni Sunshine ang statement niya noon na kung pakakasal lamang siya ay sa mayaman na.
May-ari pala ng Goodluck chain of supermarkets ang dyowa ni Sunshine na taga-Guagua, Pampanga. Mansyon daw ang bahay ng napangasawa ni Sunshine at talagang galing ito sa de buena familia.
Nakilala raw ni Sunshine ang kanyang husband nang manirahan siya sa Pampanga matapos na magkasakit noong isang taon. Isang kaibigang tibo ang nagpakilala raw kay Sunshine kay Timothy.
Binigla ni Sunshine ang lahat nang magpakasal siya sa kanyang non-showbiz husband. Anyway, tanggap naman ng kanyang madir na si Dorothy Laforteza ang kanyang napangasawa at wala naman silang problema. Tuluy-tuloy pa rin naman ang pag-aartista ng aktres kaya naman happy pa rin naman si Tita Dorothy. Next year na mangyayari ang church wedding ng couple dahil sa isang taon darating ang father ni Sunshine.
Lex Chika
by Alex Valentine Brosas
