NAKAUSAP NAMIN SI Rayver Cruz sa Thanksgiving ng May Bukas Pa, para linawin ang mga intrigang ibinabato sa kanya. Imbudo raw ang mag-inang Sarah Geronimo at Mommy Divine sa binatang actor kaya hindi siya invited sa nakaraang birthday party ng singer/actress.
“Ako ‘yung nag-text sa kanya, nakausap ko siya. Hindi niya alam may surprise party pala daw sa kanya. Siguro, ‘yung nag-organize hindi alam kung paano ako mako-contact, hindi alam ‘yung number ko. So, hindi siya ang nag-invite. If ever na siya ang nag-invite, hindi rin kami makakapunta ni Maja (Salvador) dahil may taping kami. Sunday ginawa ‘yun, Sunday din ang taping namin,” paglilinaw niya.
Nag-umpisa lang sa pa text-text ang magandang pagtitinginan nina Rayver at Sarah hanggang dumating sa punto na diumano nagkakamabutihan na ang dalawa. “Nagte-text ako once in awhile kapag libre ako, libre siya. Nangangamusta bilang kaibigan, wala naman masama kung maging close kayo, di ba?”
Niligawan nga ba ni Rayver si Sarah o liligawan pa lang ?”Hindi pa dumating sa punto na ‘yun kasi, naging close naman kami, naging magkaibigan, okey na ako sa ganu’n. Hindi naman ako naghahangad ng mas mataas du’n. Sa ngayon wala, alam naman nating sobrang busy siya. Tignan na lang natin kung ano ang puwedeng mangyari, masaya akong magkaibigan kami . Mahirap naman kasi magsalita ng tapos, hintayin na lang natin,” say ng binata.
Dahil sa mga issues na naglabasan tungkol sa kanila ni Sarah nagmukhang kawawa tuloy itong si Rayver. “Normal lang siguro ‘yun na may lalabas na ganu’n. Siyempre, Sarah Geronimo na ‘yun hindi maiwasan ang ganoon issues pero okey na kami, wala na ‘yung tampuhan.”
May balitang pinagselosan raw ni Sarah si Melissa Ricks dahil madalas makitang magkasama ang dalawa. “ Hindi naman, wala naman selos-selos dahil hindi ko naman siya nililigawan. Walang dapat ipagselos, magkaibigan lang kami ni Melissa.”
May balitang may pelikulang gagawin sana sina Rayver at Sarah, nagmahadera raw si Mommy Divine kaya hindi natuloy ang project nila together. May chemistry pa naman ang dalawa, may kilig factor sa mga fans.“ Yung nanay nga, okey lang ‘yun desisyon nila ‘yun, respetuhin na lang natin. May darating pa naman siguro na ibang project so, maghihintay na lang ako,” seryosong turan niya.
Lumalabas ngayon nakiki-ride on ang binatang actor sa popularity ni Sarah Geronimo. “Nasasaktan din ako kahit papaano dahil wala naman akong intensiyon na masama na gamitin siya or anything. Gusto ko lang maging magkaibigan kami, opinyon nila ‘yun normal lang siguro ‘yun. Kaya nga, natatakot din akong maging malapit sa kanya kasi, feeling ko ‘yun ang lalabas, maiintriga ako. Sarah Geronimo na siya, nand’yan na siya sa itaas so, kapag madikit ka sa kanya sasabihin ginagamit para sa career mo pero wala akong iniisip na ganu’n. Lahat naman ng artista nagsimula sa ibaba bago sumikat,” pahayag ni Rayver.
Bakit biglang na-link si Rayver kay Melissa Ricks ? “Nagulat din ako du’n, kasi may issue na palagi raw kasi akong nagdi-dinner sa bahay nina Melissa. Ang totoo ‘yan, hindi ko alam kung paano pumunta sa bahay nila kaya imposible. Noong nasa States kami, tawa kami nang tawa ni Melissa kasi noong lumabas ‘yun paalis na kami (Star Magic US Tour). Sila ‘yun close ko lalo na si Kim Chiu.Siguro kapag pumupunta kami sa party sa mga executive place laging late dumarating itong si Matt (Evans) kami ni Melissa ang palaging magkasama at saka sina Kim (Chiu) at Jake (Cuenca), pinagdugtong-dugtong na lang. Magkaibigan lang talaga kami,”paliwanag niya.
AYAW Paawat!
by Eddie Littlefield
