Lume-level-up na ang mga regalo ni Jake Cuenca sa napapabalita niyang girlfriend na si Melissa Ricks. Kung noon ay mga roses at pagkain ang ibinibigay niya kay Melissa, ngayon naman ay may balitang binigyan raw niya ng isang purple Balenciaga handbag ang young actress na nagkakahalaga ng humigit-kumulang sa P100,000.
If the rumor is true, does it mean that Jake and Melissa are really in a romantic relationship? Kung binigyan ni Jake ng isang mamahaling handbag si Melissa, hindi ba’t ito ay nangangahulugan that she is special to him?
Nagiging malaking palaisipan tuloy ang kontrobersiyal na regalong ito. Although Jake confirmed about his expensive gift ay naging matipid naman ang kanyang naging pahayag. “Huwag ako ang tanungin ninyo diyan. Kasi siyempre special friend siya. She’s very special to me and she deserves something like that.”
Siyempre hindi rin pinalagpas ng The Buzz na tanungin si Melissa when she was cornered during the taping of her series Tanging Yaman. “Natuwa ako dahil ang ganda noong bigay niya at ‘di ko naman inaasahan na ibibigay niya. Kung anuman iyon siguro sa amin na lang iyon saka ang dami nang lumalabas na mga tsismis, so ayoko nang palakihin pa.” Pero maikakaila pa ba niya ang Balenciaga handbag na huling-huling dala niya sa set ng teleserye?
Habang tumatagal ay lalong lumalalim ang pagkakaibigan ng dalawa. “I’m thankful that Jake is my friend. He’s a very good friend. Mabait siya sa akin at parati niya akong naaalala. Iyong lovelife, tsismis – secondary na iyan. Sa akin trabaho muna,” Melissa said.
“We’re taking it slow. Marami siyang trabaho. Ako rin maraming inaasikaso, pero special siya sa akin. She’s a very special girl. Malaking bagay siya na nagpapaligaya sa akin ngayon,” pahayag naman ni Jake.
Deny rito, deny roon. Ito ang kadalasang ginagawa ng mga artista kapag may balita tungkol sa kanila na ayaw nilang malantad sa publiko. Ang ilan ay totoo, ang iba naman ay kathang-isip lamang. But there are also actors who face issues fair and square. Kaya dapat ay matalas ang iyong isip, malinaw ang iyong mga mata, malakas ang iyong pang-amoy at pandinig sa mundo ng showbiz. You have to read between the lines pero gaya ng madalas sabihin, “Action speaks louder than words.” At kahit gaano mo idenay ang isang balita ay lalabas din ang katotohanan pagdating ng araw.
Kaibigan, usap tayo muli!
Points of Boy
by Boy Abunda
