DAHIL SUNUD-SUNOD NA binatikos ang up-coming Sunday show na Party Pilipinas sa GMA-7 kahit na hindi pa ito nagsisimula, e, umeksena na raw ang mga top executives at kinausap nang masinsinan ang mga production officials.
Kinuwestiyon daw kasi ng GMA executives kung bakit title lang ang iniba pero halos pareho ang lahat magmula sa hosts hanggang sa mga production people.
Sabi pa, kung gagawa sila ng aggressive move para matalbugan ang ASAP XV ng Dos ay kailangang maging bago ang lahat sa paningin ng mga televiewer.
Pero naglakas-loob na nagtanong ang isang production official: “Paano po sina Ogie Alcasid at Regine Velasquez na pinangakuan po natin ng bonggang show in exchange for their loyalty sa network natin?”
Oo nga naman. E, hindi birong talent fee at mga shows ang prinamis ng TV5 sa kanila tapos aalisin sila as hosts sa Party PIlipinas? Parang ang hirap gawin, hendehvah?
Hayun at binigyan ng GMA executive ang production people ng ilang lingo para mag-present ng super-bonggang concept ng Party Pilipinas na magpapataob daw sa ASAP XV.
“Basta, be sure na tayo ang magbi-victory party after the launch of Party Pilipinas at hindi ‘yung katapat natin, ha?!” Pagbibigay ultimatum pa ng isang top executive ng GMA7.
ABA, MAY MGA pinopormahan na palang mga tsiks si Ryan Christian Recto!
For the record, turning fourteen na si Ryan at nasa Grade 7. And when asked kung nagagalit ba si Daddy Ralph sa ginagawa niyang panliligaw, aba’y hindi!
Excited at suportado pa nga ni Daddy Ralph si Ryan sa panliligaw. “Idol nga niya ang Kuya Luis niya, e,” sabi pa ng husband ni Vilma Santos. Hmm… mukhang alam ni Daddy Ralph na medyo mahilig sa tsiks si Luiz Manzano, huh!
But of course, kahit ine-encourage ni Daddy Ralph si Ryan sa kanyang panliligaw, e, lagi niya itong pinapayuhan na ‘wag manloko ng mga girlets. I-enjoy lang daw ni Ryan ang kanyang pagiging young, ang kanyang first crush, first girlfriend at first, ehem, ganu’n!
At kapag humingi si Ryan ng pang-date, sigurado, suportado rin ‘yon ni Daddy Ralph although hindi pa naman daw naglalambing ng budget sa kanya ang kanyang bunso. Siguro, malaki ang allowance ng bagets kaya ganu’n. Hek-hek-hek!
Kapag nagkataon, ang lucky-lucky naman ng magiging girlet ni Ryan. Teka, true ba ang nabalitaan namin na isa sa kanyang mga crushes, e, si Angel Locsin?
Hmmm… mukhang hindi natatakot si Ryan sa kanyang Kuya Luis, ha?
BABALA: GUSTONG BIGYAN ng warning ng veteran fashion designer and salon owner na si Rey Gotengco ang mga kasamahan niya sa fashion world at sa iba pang mga salon owners na mag-ingat sa kanyang dating tauhan na si Jason Dogillo.
Sabi ni Mama Rey, niloko raw siya ng dati niyang tauhan at nakuhanan siya ng cash and branded make-ups na nagkakahalaga ng kulang-kulang P15,000.00 pesoses.
Kaya next time na tatanggap ng bagong tauhan, mas maganda siguro kung mai-background check nang mabuti para mahirapang manloko ang mga manloloko, okidoki?
For reactions, please e mail [email protected]
Sour-MINT
by Joey Sarmiento
