“IT’S A BIG no!” Ang sagot ni Rhian Ramos sa possibility na ma-involve siya romantically sa Pambansang Kamao na si Manny “Pacman” Pacquiao, lalo na’t magkasama sila sa bagong game show ng GMA-7, ang Manny Many Prizes with Isabelle Daza, Paolo Contis at Onyok Velasco.
Ayon kay Rhian, may asawang tao si Manny, kaya friendship lang daw ang puwede niyang ibigay sa magaling na boksingero. Ayaw raw nitong manira ng pamilya ng may pamilya. And besides, sa ngayon daw ay busy siya sa dami ng load ng kanyang trabaho. Bukod kasi sa nasabing game show, regular din siyang napapanood sa In the Limelight sa GMA News TV.
Bukod pa riyan ang kanyang dalawang pelikulang ginagawa, ang Ang Panday: Ikalawang Yugto, at ang GMA horror movie na The Road, na mula sa direksiyon ng mahusay na direktor na si Yam Laranas.
HINDI RAW NAIWASAN ng Blusang Itim main star na si Kylie Padilla na magulat nang makita nito ang co-star sa nasabing top-rating afternoon soap ng GMA-7 na si Darren Lim. Malaki kasi ang pagkakahawig nito kay Aljur Abrenica na nali-link sa kanya. Mas maputi lang si Darren kumpara kay Aljur na mulato ang kulay.
Mas laking gulat daw nito nang magsalita si Darren dahil kaboses din ito ni Aljur, kaya naman daw nilapitan nito ang binata at nagpakuha ng litrato na ikinapula ng mestisong young actor. Ginagampanan ni Darren ang role ni Bernard na kabarkada ni Lucho.
After daw ng insidenteng iyon, sobrang napahanga ni Kylie ang baguhang young actor, dahil hindi daw nito inakalang sobrang bait ng young actress, hindi raw kasi niya nakakasama ang young actress sa mga eksena at laging si Lucho lang ang kanilang nakakasama. Tsika nga nito na napakasuwerte raw ng lalaking magugustuhan ni Kylie dahil sobrang bait nito.
DREAM NG MAGANDANG TV5 young star na si Meg Imperial na magkaroon ng primetime soap kahit na nga 3 na ang regular shows nito sa Kapatid Network, ang Pidol’s Wonderland, Bagets, at Hey, It’s Saberdey!.
Iba raw kasi kapag everyday kang napapanood ng mga tao, mas madali kang makikilala. Sana nga raw ay may primetime soap na siya at isa sa bida ng katatapos lang ng Mga Nagbabagang Bulaklak, kaya lang daw ay mas pinili nito ang Bagets, kaysa sa nasabing primetime soap, dahil hindi pa niya kaya ang magpa-sexy sa telebisyon at maging sa pabalat ng panlalaking magazine at pelikula.
Mas gusto raw kasi nitong ma-experience muna ang mga bagets roles bago sumabak sa mas matured roles. At if ever daw na mabibigyan siya ng TV5, gusto raw nitong makatrabaho sina Oyo Boy Sotto at JC De Vera na parehong pambatong aktor ng Singko.
NAGING MATAGUMPAY ANG paglulunsad ng ikatlong recording artist ng Eccle-siastes Entertainment na pag-aari ng Canadian Idol-turned-producer Ramil Omosura na si Samantha Albanese ,12 years old, may dugong Italyano/Filipino.
Ginanap ang album launch ni Samantha, entitled “Love, Electrified”, kung saan ang carrier single ay ang awiting “Love Electrified” sa Saint Patrick Recreation Centre, Vancouver, Canada last July 9. Naging espesyal nitong panauhin sina Vancouver’s Singing Sweetheart Ethel Rose Amistad at The Little Girl with Voice na si Geena Geneza at ang Pop Vocalistas.
John’s Point
by John Fontanilla
