Naku, ‘Day! Nagsalita na naman sina Robin Padilla at Mariel Rodriguez tungkol sa kanilang kasal na parang official. ‘Yung kasal daw talaga nila ay nangyari nu’ng August 19 sa India.
Ang dating, ‘yun lang ang kasal na in-acknowledge nila at wala na ‘yung lumabas last week na Ibaloi rites na kasal sa Baguio, pati ‘yung Christian wedding.
Ang gulo, ha! Tuloy nag-react ang mga Ibaloi na kasapi ni Mommy Eva Cariño-Padilla at hindi nila nagustuhan ang mga pangyayari.
Ang latest na narinig ko, itinakwil na raw ng mga Ibaloi si Robin, pati raw si Mommy Eva.
Sinubukan ng Startalk staff namin na kunan ng sagot dito si Mommy Eva, hindi niya sinasagot ang tawag.
Pati ang mga Muslim ay may reaction din diyan dahil paano raw sila nagpakasal nu’n sa India, eh, Ramadan daw ‘yun.
Magulo talaga ito at ang nega ng dating ng dalawa, kaya ewan ko kung paano ito aayusin ng ABS-CBN 2.
Pero ang sabi naman ng ilang taong malapit sa dalawa, masayang-masaya sila at hindi sila apektado ng mga negatibong reaksiyon na lumalabas. Ang mahalaga, masaya sila at itutuloy na raw nila uli sa India ang kanilang honeymoon.
Ang isa pang masaya sa ngayon ay ang dating asawa ni Robin na si Leizel Sicangco.
Kasama na nito ang bunsong anak niyang si Allih at ikinuwento niya sa mga taga-Startalk na masayang-masaya sila, lalo na ang bagets na talagang na-miss daw ang mga luto ng Mama niya.
Sabi ni Leizel, sa kanya na raw talaga si Allih at gusto niyang ma-enjoy muna nito ang pagkabata niya.
Nagkaayos na rin sina Leizel at ang abogado ni Robin pagdating sa financial support sa mga bata. Wala namang masasabi si Leizel pagdating sa pagiging good provider ni Robin kaya hindi naman daw isyu sa kanila iyan.
Parang telenobela itong kuwento ng love affair nina Robin at Mariel, kaya abangan natin kung ano pa ang susunod na magaganap.
May kuwento ang Startalk tungkol diyan, abangan n’yo na lang bukas.
BUKAS DIN SA Startalk, may kuwento rin sa napabalitang romansa nina Richard Gutierrez at Solenn Heusaff.
Parehong sinasabi ng dalawa na talagang magkaibigan lang sila bago pa mag-Survivor. Naging isyu lang daw ngayon dahil nagkasama sila sa Survivor at lalo silang naging close. Pero itong si Solenn, talagang isinusumpa niyang wala talaga at hanggang friends lang daw sila, dahil magkakabarkada sila lahat pati ang ex-girlfriend ni Richard na si Georgina Wilson.
Pero nakausap din ng Startalk si Annabelle Rama, iba ang kanyang sagot diyan. Tingin daw niya, meron talagang namamagitan kina Richard at Solenn, pero hindi pa raw nila ito napag-uusapan ng anak niya.
Hindi naman daw niya pinakikialaman ang lovelife ni Richard.
Nanghihinayang nga raw siya sa relasyon nila noon ni Jewel Mische dahil gusto na rin niya ang young actress, pero wala naman daw siyang magagawa at desisyon nilang dalawang tapusin na ang kanilang relasyon.
Ang concern lang naman daw niya ngayon ay ang gumagandang career ni Richard dahil sa Survivor.
Kaya suportado niya ito sa lahat na mga project ni Richard sa GMA News and Public Affairs.
Sa Linggo nga, meron na namang part two itong environment docu-series niyang Anatomy of a Disaster na mapapapanood sa Sunday Night’s Box-Office. Abangan n’yo ‘yan!
Mga Mata ni Lolita
by Lolit Solis
