OLA CHIKKA! WALA pang isang linggo ngunit kumakalat na ang balitang exit daw agad itong main host ng show na si Robin Padilla! Bakit naman ganu’n kabilis? Hindi kaya naapektuhan na siya ng mga isyung naglabasan matapos ang pilot episode ng noontime show noong Sabado?
Hindi kaya nagpadala siya sa mga sabi-sabing wala siyang isang salita dahil minsan na niyang sinabi na hindi niya tatanggapin ang pagiging main host ng Wowowee?
Sinasabi pa ng ilan na maging ang buong noontime show duration ay hindi niya papatusin. At siguro ngayon, maraming mga fans ni Willie Revillame ang kinukuwestiyun ang pagtanggap niya sa offer sa Pilipinas, Win na Win.
O, baka marahil ay sobrang labs na niya ang kanyang co-host na si Mariel Rodriguez kaya lilisanin na lang niya muna sa show upang makaiwas sa intriga sa kanila ng dati niyang labs na si Kris Aquino na isa rin sa mga main hosts ng show? Taray!
Hindi man umuubra ‘yung dalawang dahilan na iyon, malamang itong pangatlo ang talagang magiging rason ng pagkawala ni Binoe sa noontime show. Dahil simula August 8 hanggang September 15, selebrasyon ng Ramadan ng ating mga kapatid na Muslim, kaya sa mga panahong iyon ay hindi natin masisilayan ang nag-iisang main host na lalaki ng Pilipinas, Win na Win.
Kaya abangan na lamang natin ang pagbabalik niya matapos ang kanilang paggunita sa Ramadan. Pak!
ISA PANG KAABANG-ABANG sa mundo ng showbiz ay kung kailan titigil itong mga fans nila Kim Chiu sa pagdidikta sa management ng Dos dahil may nalalaman pa silang rally at kung anu-ano pang kilos huwag lamang mabuwag ang tambalang Kimerald.
Kailangan nilang tanggapin na ang kanilang mga idolo ay kailangan ding maghiwalay upang mas mapaganda ang kani-kanilang career at pagkatiwalaan nila ang management ng ABS-CBN dahil para sa ikabubuti ng kanilang mga idolo iyon.
Kung gusto nila ay magtayo sila ng sariling istasyon at kuning talent itong si Kim Chiu at Gerald Anderson para hindi na mabuwag ang loveteam nila kahit kailan.
At tsaka una pa lamang ay wala naman talagang totoong pag-iibigang naganap sa halos ilang taon na nilang pagsasama, eh. On-screen lang ang pagmamahalan ng dalawa kaya maghiwalay man ang love team nila ay tanggapin n’yo na, dahil lover in real life nga naghihiwalay eh, ano pa kaya sila? Peace!
BLIND ITEM: PITIK-BULAG! Mahulaan n’yo kaya itong kilalang kumentarista na may kumakalat na isyung gustong magkaanak?! Wala namang masama kung hilingin niya iyon dahil lahat naman siguro ng kababaihan ay pangarap magkaroon ng sariling anak sa tamang panahon sa taong mahal nila.
Ngunit magugulat ka sa kumentaristang ito dahil wala namang asawa at maging nobyo kaya paano magkakaanak? Tanong n’yo kung ano ang sabi ng parazzi girl ko na naiisip na paraan ni kumentarista para magkaroon ng sariling baby… Eh, ‘di magbabayad daw siya ng lalaki para buntisin siya! Ha-ha! Wild!
Grabe, ha?! Ganu’n ka na ba ka-desperada o wala na talagang lalaking papatol sa iyo kaya pati pera mo gagamitin mo sa pagkakaroon ng anak? Hmmm… sige gawin mo ang gusto mo. Pero feeling ko, kahit magbayad ka ng isang daang lalaki para anakan ka ay mahihirapan ka na dahil mukhang menopause ka na, eh! Kapayapaan!
Ano, na-gets n’yo na? Kung hindi n’yo pa rin mahulaan ay alamin sa aking programa sa DWSS 1494 kHz weekdays from 11:30 a.m. to 12 nn, kaya makigulo at maging una sa mga chikka kasama ang aking mga parazzi girls na sina Lady Camille, Lady Ghaga and Lady Khianna. At patuloy pa rin po akong subaybayan sa DZRH TV tuwing Linggo,2:30-3:30 p.m. Thank you very much and God Bless us all!
Ooola Chika
E-mail: [email protected]
by Tita Swarding
