PILIT NA PINAGBATI ng mga taga-Showbiz Central sina Rufa Mae Quinto at DJ Mo Twister nu’ng nakaraang Linggo at ang sinunod naman yata nila, pero nu’ng huling nakausap si Rufa Mae, hindi naman daw nag-sorry sa kanya si DJ Mo kaya ang trato na lang nga raw niya ngayon parang hindi na nagi-exist si DJ Mo sa buhay niya.
“Ilang beses na kasi niya ginawa iyan, eh. Wala naman akong ginagawa sa kanya. Kaya wala lang, parang wala lang siya. Sana respetuhin na lang niya ako bilang katrabaho niya,” pahayag ni Rufa Mae.
“Ngayon siguro magpa-pasalamat na lang ako sa lahat na mga nagtanggol sa akin at sa mga naniniwala sa akin,” patuloy nito.
Pagtapos niyang mag-emote, ipinakita sa amin ni Rufa Mae ang singsing na suot nito.
Nag-propose na raw sa kanya itong lalaking karelasyon niya pero wala pa raw silang pinag-uusapan kung kailan sila magpapakasal.
Bongga ang singsing na ipinakita nito pero hanggang du’n na lang daw muna at ayaw na raw niyang dagdagan pa ang kuwento pagdating sa lalaking iyun.
Basta masaya raw siya ngayon at pinaghahandaan na raw niya ang sarili niya na magsi-settle down din siya sa lalaking ito.
“Ayoko nang magbigay pa ng hint, mamaya kung sino na naman ang lalabas diyan. Basta happy ako, ‘yun na lang muna,” dagdag na pahayag ng seksing comedienne.
First Episode ng Stairway to Heaven, exciting na
CONGRATULATIONS SA BUMUBUO ng Stairway to Heaven lalo na kina Dingdong Dantes at Rhian Ramos dahil maganda ang feedback sa pagsisimula ng bago nilang telebabad sa GMA- 7.
Mga batang sina Joshua Dionisio at Barbie Forteza pa lang muna ang sa unang episode na nagsimula nu’ng Lunes pero interesting na ang kuwento at type na ng karamihan.
Mas exciting pa raw ito at madrama kapag pumasok na sina Dingdong at Rhian.
Nagkaroon na nga ng bonding ang dalawa dahil madalas na silang magkasama sa taping pero nandiyan pa rin ang limitations dahil laging nasa isip daw nila na para lang iyun sa Stairway at ginagampanan lang nila ang mapanghamong papel nina Cholo at Jodi.
Paulit-ulit na sinasabi ni Rhian na kapag sumigaw na ang action in love na ito kay Dingdong bilang Cholo at ganundin naman ang aktor.
Naku! Sana ma-maintain ang ganu’n dahil sa tindi nang pagmamahalan nila sa kuwentong iyun, sana hanggang du’n lang at hindi sila madala sa isa’t-isa.
Mabuti na lang at tahimik lang si Marian Rivera at suportado naman itong bagong project ni Dingdong.
By Gorgy’s Park
