HINDI GIMIK ‘YUNG pagkahimatay ni Rosanna Roces sa Talentadong Pinoy. Totoong nawalan siya ng malay at sinugod siya ng mga medic sa ospital.
Marami kasi ang nagsasabi na gimik lang daw ‘yon ni Osang para makakuha ulit ng atensiyon at simpatiya pero isang very close sa kanya ang nagbulong sa amin na may ilang nararamdamang sakit ang aktres.
Hindi na bata si Osang. Kahit paano, e, nagkaka-edad na rin ang kontrobersiyal na aktres kaya hindi maiiwasang medyo nahihirapan na siyang huminga.
Sabi sa amin ng kausap namin, matagal nang nararamdaman ni Osang ang difficulty in her breathing. ’Yon ang exact words ng aming source.
Puwedeng ‘yon ang resulta nang pag-inom niya ng sleeping pills sa mahabang panahon. Puwedeng resulta rin ‘yon ng kanyang pagiging workaholic lalo na noon. Or puwedeng ‘yon din ang epek ng stress na kanyang nararamdaman dahil sa kanyang mga nakaaway in and out of the business, lalo na nang nawala sa kanyang piling ang kanyang apo.
Ilan sa kanyang mga nakasamaan ng loob sa showbiz ay sina Manay Lolit Solis, Dra. Vicki Belo at ang Revilla family at sana nga, e, hindi na magtagal at magkabati-bati na sila.
Naku, Osang! Maikli lang naman ang life natin kaya mas maganda kung walang kaaway at kagalit, hendehvah?
Nagkausap at nagkabati na sina Osang at Cristy Fermin kaya sana ay magsunuran na rin ang ibang personalidad na kanyang nakabanggaan, hane?
LAST SUNDAY, LAGI raw uma-appear ang litrato ni John Lloyd Cruz sa mga nakapaligid na monitor sa studio ng Paparazzi sa TV5.
‘Yon siguro ang dahilan kung bakit medyo naiilang si Ruffa Guttierez kahapon, off-camera.
Hindi nga nagkamali ang mga observers dahil may nakarinig sa dialogue ni Ruffing tungkol du’n.
“Bakit ba puro na lang si Lloydie ang lumalabas sa monitors natin, my Gosh! Wala na bang iba?
“Bakit hindi si Dingdong Dantes? O kaya, e, si Richard Gutierrez? Siya na lang ba ang natitirang actor natin? Hello,” ang words to that effect na say ni Ruffing sa isang production assistant.
Ang reaksiyon namin? Bwahahaha!!!
Up to now, affected pa rin si Ruffa? Hindi pa ba siya nakaka-move on kay Papa JLC?
Sa ganda at pagka-hot ni Ruffing, dapat deadma na siya du’n dahil siguradong marami ang umaaligid sa kanya ngayon. Sa true lang!
MARAMI ANG HINDI nakaaalam, pero slowly but surely, e, may pina-pioneer na naman ang media mogul na si Manny Pangilinan via the internet.
Sabi sa amin ni Direk Bong Agustin, nobody can beat mysandbox.com sa internet kung ang pag-uusapan, e, ang entertainment updates and issues.
Bukod sa naka-video stream daw ang lahat ng kanilang updates, e, sobrang glossy at ganda raw ng kanilang web layout kaya nagkakaroon ng matinding attraction from the web browsers para mag-usap at mag-discuss ng mga entertainment issues.
Hmmm… Mukhang bongga ang internet web na ito. Ma-tsek nga!!!
For reaction, please e-mail [email protected]
Sour-MINT
by Joey Sarmiento
