Iba talaga ang glow na nakita namin kay Ruffa Gutierrez last time nang muli namin siyang pasyalan sa taping ng Sunday afternoon showbiz talk show ng TV5 na Paparazzi. Mas blooming pa siyang lalo. At pansin na pansin rin ang kanyang pagba-blush nang tuksuhin siya ng mga co-hosts niyang sina Cristy fermin, Dolly Anne Carvajal, at Mo Twister, tungkol sa pagkaka-link niya ngayon sa Smartmatic president na si Cesar Flores.
Kahit nga nang ma-corner na namin si Ruffa for an interview, iba ang siglang nakikita namin sa kanya na parang may tagong kilig pa while being asked about the said Venezuelan guy na expert sa automated poll.
At dahil do’n, ang biro nga namin kay Ruffa – automated na ang lovelife niya this time around?
“I just met him,” nakangiting sabi niya. “He’s a nice guy. And natutuwa naman ako na lahat ng nakikipagkaibigan sa akin ay mga ma-respeto at mga disente. And mababait.
Tatlong beses na raw silang nagkasamang lumabas mula nang una silang magkakilala sa birthday dinner for her courtesy ng kaibigan niyang si Anton San Diego na siyang nag-invite nga kay Cesar.
May parang automated na attraction nga ba kaagad sila sa isa’t isa sa first meeting pa lang nila?
“Ay, hindi ko naman masasagot ‘yon,” natawang sagot ni Ruffa. “Siyempre I’m a lady. ‘no? Mamaya mabasa pa niya ‘to. Basta, uhm… we’re getting to know each other and… wala naman siya rito ngayon sa Pilipinas. At hindi ko naman akalain na lahat ng tao, magiging interesado sa kanya. Basta as of now, he’s my NFF (new found friend).”
Ano ‘yong first impression niya kay Cesar when they first met nga sa birthday dinner niya?
“Intelligent. And, uhm… very endearing. Masarap kausap because you can talk about anything under the sun, at hindi siya boring na kausap.”
They’re texting each other. Ano nga ba ‘yong sweetest message nang natanggap niya from Cesar, so far?
“Siyempre hindi ko sasabihin sa ‘yo, ‘no!” natawa na nama si Ruffa. “May usapan kami na whatever we talk about, we’ll just leave it between us. And we have to understand that he’s a private individual. Hindi naman siya sanay sa ganitong showbiz.
“Sanay siya sa ano… ini-interview siya about his work. Not about his private life. And I wanna respect him as well.”
Ano naman ang physical attributes ni Cesar na nagustuhan niya?
“Alam mo… grabe! He reads all the papers. Kasi he has a PR firm so… I don’t want him naman to say that I keep on talking about him. Siyempre, hindi naman maganda rin para sa akin na mag-comment nang mag-comment about him. Lalo pa, babae ako.
Wala kayang maging violent reaction ang ex-huband niyang si Yilmaz Bektas hinggil sa pagkaka-link niya ngayon kay Cesar?
“No comment.”
So ibig sabihin, at peace na siya ngayon? Wala nang masyadong tensiyon.
“Oo naman. I’ve always been at peace. And wala naman talagang tensiyon sa akin.”
Pero sa kanilang dalawa nga ni Yilmaz?
“Well as of now, everything is tahimik. Let’s keep it that way – tahimik.”
May isa pang inili-link sa kanya, ‘yong Chris Parker ang name na biking partner diumano niya?
“Si Chris naman is an old friend. And ayaw niya talagang nasa diyaryo siya. I told him na – don’t worry, hindi ko siya pag-uusapan. Basta matagal ko na siyang kaibigan at barkada.
“Basta as of now, I’m not yet ready to fall in love again. I wanna wait maybe until next year siguro. Kasi nag-i-enjoy muna ako sa buhay ko.”
‘Yon na!
Rubbing Elbows
by Ruben Marasigan
