TALAGANG PINANINDIGAN NA ni Ruffa Gutierrez ang sinabing hindi na siya magsasalita kung tungkol din lang sa ex niyang si John Lloyd Cruz ang pag-uusapan. Kakuwentuhan nga namin siya last time sa dressing room bago sumalang sa taping ng Paparazzi, kahit ‘yong tanong kung meron bang birthday gift o binati ba siya ng aktor sa kanyang kaarawan recently, talagang deadma ang actress-TV host.
“’Yong suitors, hindi naman nawawala, eh. Nandiyan lang sila,” aniya nang sunod naming matanong hinggil sa iba pang guys na umaaligid sa kanya ngayon. This time, mas preferred ba niya ang non-showbiz na lang? “Well, I told myself na—for me mas may katahimikan at mas magtatagal ang isang relasyon na wala sa showbiz. And righ now, I’m not really looking for that.”
May excited nga raw siya hinggil sa mga bagay na plano niyang gawin right now.
“I planning to have a bazaar (celebrity bazaar) ulit. Kasi ang dami ko nang mga clothes na gusto kong ipamigay. Gagawin namin siguro iyan in the next two months. I’m also about to do a movie. Meron nang nakahandang project na gagawin ko pero ayoko munang banggitin kung ano at saang film company. Malalaman n’yo rin iyon soon.
“I also plan to do more endorsements. And meron akong bagong show sa TV5 na hindi ko rin muna sasabihin kung ano. Malalaman n’yo rin naman ito kapag nag-start na. Ayoko kasing maudlot,” natatawang sabi pa ni Ruffa. Basta there’s a lot of interesting and surprising na mga decisions para sa sarili ko.”
Nausisa rin namin si Ruffa hinggil sa naririnig naming nakatakdang paggi-guest niya sa Sunday musical variety show ng ABS-CBN na ASAP. Magbabalik-Kapamilya siya?
“Maggi-guest ako because of this Avon (na ini-endorse niya) launch na gagawin do’n. Basta abangan n’yo na lang kung anong launch iyon.”
Tiyak ngang aabangan ito ng marami dahil regular na lumalabas doon sina John Lloyd at ang kasalukuyang girlfriend ng aktor ngayon na si Shaina Magdayao. Tiyak na magkikita sila. O kung hindi man, baka mag-absent na lang sa show ang dalawa para hindi sila magtagpo roon.
Hindi na namin tinanong si Ruffa kung ano kaya ang magiging reaksiyon niya if ever magkita-kita sila roon nina John Lloyd at Shaina. Dahil panay nga ang pakiusap nito prior to our interview na no questions na raw nga tungkol sa dalawa.
But for sure, ready naman siyang makaharap ang dalawa. Dahil kung hindi, she won’t say yes na mag-guest sa ASAP. For sure, she’ll be civil kung makakaharap man sina Shaina at Lloydie.
Ngayong loveless na naman siya, inaabangan ulit ng lahat kung sino ang sunod na mauugnay sa kanya. Kahit ‘yong mga friends din daw niya, iyon din ang inaabangan.
“Hindi naman nga nawawala ‘yong suitor o admirers na umaaligid sa akin. They’re always there. It’s just that I’m not ready for a relationship by now.”
Nabago ba ngayon ang pananaw niya kung ideal boyfriend for her ang pag-uusapan?
“Alam mo, you really can’t say what’s an ideal man for you. Kasi hindi naman laging nangyayari na you’ll fall for an ideal man mo. You know, love happens when you least expect it. And if it happened, you just have to embrace it. Mahirap namang pigilan.”
Ilang beses na naming narinig na sinasabi ni Ruffa—she doesn’t see herself falling in love again within the next two years. Pero ‘yong mga tagasubaybay naman niya, can’t wait to see who’s next na mauugnay sa kanya.
“Siyempre the whole world is excited to know, ‘no? Malalaman n’yo rin naman iyon if ever it happens. I think it’s better to close my past first before I can look forward to the future. I am reffering to my annulment (with ex-husband Yilmaz Bektas).
“I’m waiting for that to close. And then re-marry and move on happily.”
In case kaya na mag-asawa ulit siya, ilang anak pa kaya ang gugustuhin niyang madagdag?
“Alam mo I’m okay na with Lorin and Venice. Pero kung saka-sakali na magkaroon ako ulit ng chance to have a baby, why not? A baby is always a blessing,” patapos na nasabi ni Ruffa.
Rubbing Elbows
by Ruben Marasigan
