BAGO PA I-ANNOUNCE ang pangalan ni Melai (Melissa Cantiveros) ay alam na niya na siya ang Big Winner kaya drama na lang ang kasiyahang kanyang ikinilos noong lumabas siya sa Bahay ni Kuya.”
Pahayag iyon ng aming source na nagsabi pa rin na “mali” ang pagkakapanalo ni Melai dahil una at higit sa lahat ay “drama” lang or scripted ang lahat ng mga ikinilos nito sa loob ng bahay ng PBB dahil may mga pagkakataon na nakabibitiw ito sa “character” na hinahawakan.
Hindi naman sa tinatawaran ang kakayahan ni Melai pero marami ang nagsasabi na ang career ni Melai ay matutulad din sa kinahinatnan ng career ng ilan pang Big Winner na sina Keanna Reeves, Nene Tamayo at Bea Saw, na pagkatapos manalo ay nasadsad sa kangkungan ang pangarap na sumikat.
“Sa lahat ng Big Winner ay si Kim Chiu lang ang sumikat sa kanila,” hirit pa ng aming nakausap.
AYAW PATULAN NI Ruffa Gutierrez ang balitang may kimkim siyang galit kay John Lloyd Cruz kung bakit “pinakalat”niya ang isyung John Lloyd at Shaina Magdayao.
Kung babalikan ang nakaraan, sinasabi na si Ruffa ang “mastermind” kung bakit pumutok ang isyu na tinuruan daw ni John Lloyd na maging lasenggera ang youngstar dahil sa matinding selos nito sa aktor na noong una ay hinihinalang boyfriend ng dating Second Princess ng Miss World.
“My God ayokong patulan ang ganyang tsismis, that is a nonsense issue.” Sabi iyon ni Ruffa nang kausapin namin siya sa dressing room ng channel 2.
Sa kabilang banda, ibinalita ni Ruffa na sobra ang saya niya dahil at long last ay natapos na rin ang matagal na naging problema ng Gutierrez family sa isang entertainment website.
“At least ngayon, masaya na ang lahat.” Ayon pa kay Ruffa, hindi naman daw naapektuhan ang kapatid na si Richard Gutierrez noong mga panahon ng kasagsagan ng issue. “Alam naman kasi namin kung ano ang totoo kaya hindi kami na-bother.”
Sinabi ni Ruffa na hindi naging mahirap sa mga Gutierrez ang magpatawad. “‘Yun lang naman eversince ang gusto namin, ang mag-apology sila. But since ginawa naman nila ang gusto naming mangyari dahil malinis naman talaga ang aming kunsensiya, okay na’ng lahat. Wala nang problema,” pagwawakas ni Ruffa.
More Luck
by Morly Alinio
