KAHIT NAGPAPAKATOTOO si Angel Locsin na may something pa rin siyang nararamdaman sa ex-boyfriend niya si Luis Manzano, iniintriga na agad ang dalaga. Gumigimik lang daw ito para pag-usapan silang dalawa. Maging ang actor ay nagpapahiwatig na mahal pa rin niya sa Angel. Hindi raw puwedeng mawala ‘yun dahil pareho nilang minahal ang isa’t isa.
Kung nagkahiwalay sina Angel at Luis at nagkaroon sila ng kani-kanilang relasyon, hindi ibig sabihin du’n na natapos ang maganda nilang pinagsamahan. Nilinaw naman nila pareho na naging maayos ang kanilang paghihiwalay noon and they remain friends.
Ngayon pareho na silang single, na-realize ni Luis na mahal pa rin niya si Angel at willing itong maghintay kung kalian muling bubukasan ng actress ang kanyang puso para sa binatang anak ni Gov. Vilma Santos.
Hindi itinanggi ni Luis na alam ni Ate Vi ang ginagawang niyang panunuyo sa dalaga. Walang magiging problema kung sakaling magkabalikan ang dalawa. If ever daw, never nilang pag-uusapan ang past relationship ng bawat isa, ayon sa actor.
AYAW Paawat!
by Eddie Littlefield
