HULI NAMING NAPANOOD kumanta ang Pinoy Dream Academy o PDA season 1 alumna na si Jay-R Siaboc sa isang show na pinrodyus ng aming nirerespetong kapatid sa panulat na si Jobert Sucaldito sa Zirkoh Morato sa Quezon City nitong October.
In fairness, maganda pa rin ang boses n’ya at mukhang name-maintain na n’ya ang kanyang pangangatawan. Dati kasi ay lumobo ang katawan ng singer.
Ang hindi lang namin matandaan ay kung saan at kailan namin huling napanood si Jay-R sa TV, lalo na sa ASAP XV.
Pero balita namin ay madalas umano na nakikita si Jay-R sa Beach House comedy and videoke bar sa tapat ng SM Southmall sa La Piñas City, hindi para mag-show kundi para mag-good time daw with his friends.
Nu’ng Linggo, November 7, pasado alas-tres ng madaling-araw raw dumating mag-isa ang singer sa nasabing bar to meet up his friends na mga una nang dumating doon. Before 5 a.m. daw ay nagbi-videoke pa at medyo umiinom pa ito.
Kung sa bagay, kung hindi naman s’ya regular na sa ASAP XV o wala naman s’yang guesting do’n, o ibang trabaho that day, keri lang naman siguro ‘yon.
Sana nga mabigyan pa rin ng pagkakataon si Jay-R na ma-share ang kanyang singing talent either sa TV o sa iba’t ibang shows sa mga bars, o out-of-town/country shows.
NAPANOOD NA NGA natin ang pagbabalik ng dalawang beteranong brodkaster na sina Noli de Castro at Korina Sanchez sa primetime newscast ng ABS-CBN na TV Patrol last Monday with Ted Failon.
Masaya ang ambience sa loob ng studio kung saan nagkukuwentuhan at nagbibiruan pa ang tatlo kasama si Gretchen Fullido, kada-commercial gap. Bukod sa mga staff at crew, at mga boss sa news and current affairs ng Dos na nasa studio, may ilang mga empleyado rin ng ABS ang nando’n para mapanood nang live ang pagbabalita ng dalawa.
Matapos umere, tinanong namin si Korina kung ano ang pakiramdam n’ya sa kanyang pagbabalik-newscast. “I don’t know yet. I’m still in daze,” sagot ng multi-awarded broadcast-journalist.
Aminado namang medyo nalilito sa pangalan ng mga artista ang ating former vice-president Noli Boy. “Puro pangalan ng mga pulitiko natin kasi ang alam ko,” nakangiting pag-amin nito.
Aside from Kabayan and Koring, kasama na rin sa bagong bihis na TV Patrol ang seksing Star Patrol field reporter no’n na si Gretchen Fullido, kapalit ni Phoemela Baranda as Star Patrol segment host. “Actually, hindi pa nagsi-sink in sa akin ‘to,” chika ng sexy host/reporter sa amin.
Ayon sa aming source, last Friday lang daw kinausap ng management si Gretchen at hindi pa raw sila nagkakausap ng kanyang pinalitang si Phoemela.
Saang show kaya mapupunta ngayon si Phem at ano ang kanyang reaksiyon sa pangyayaring ito?
SA TAAS NG ratings ng fantaserye nina John Lloyd Cruz at Angel Locsin na Imortal sa Dos, mapa-Mega Manila man o nationwide, may nasagap kaming chika na soon ay hindi lang natin sa TV ito mapapanood, kundi maging sa big screen din.
Alam na kaya ito ng dalawang bida ng Imortal, pati ng kanilang mga direktor?
Malamang, mas magiging maganda ito ‘pag isina-pelikula ng Star Cinema.
Ugaliin n’yo pa rin pong makinig ng Wow! Ang Showbiz! over at DWIZ 882 Khz on AM band, Mondays to Fridays, from 11 AM to 12 NN, with Ogie Diaz, Friend Rommel Placente and Ms. F a.k.a. Fernan de Guzman. Maraming salamat po!
Franz 2 U
by Francis Simeon
