Na-upstage ni Arnel Pineda si Jovit Baldivino sa ASAP XV last Sunday, puna ng ilang televiewers. Itinodo raw ng frontman ng Journey ang powerful vocals niya, kaya napatingin na lang sa kanya ang Piipinas Got Talent grand winner. Halata rin daw na pagod si Jovit, kaya tila hindi nito naibigay ang ine-expect ng mga fans niya sa kanya, puna pa rin ng mga nakapanood sa duet niya kay Arnel.
Nasa mismong studio kami ng ASAP last Sunday, kaya hindi namin napansin ang mga puna ng mga nakapanood sa TV. Iba ang energy na naramdaman namin dahil nasa harapan lang namin sina Arnel at Jovit. Every single soul sa studio ay talagang apektado ng powerful duet ng dalawa. Everyone’s cheering and singing along with Arnel and Jovit. Nagmistulang concert hall ang studio that time. Kung pupuwede nga lang ang encore, baka napagbigyan pa ng dalawa ang studio audience.
“One of the best episodes!” sabi pa ni Martin Nievera after ng show. At agree naman kami sa Concert King, at tiyak na ang studio audience that Sunday, will say the same thing.
It’s no wonder that ASAP is still on top of the ratings game. Mula opening hanggang finale, ang husay ng conceptualization. Every portion of the show is a highlight and a showcase of genuine talent.
SPEAKING OF JOVIT, ini-relay sa kanya ng katoto naming si Rommel Placente ang nangyari sa ka-Parazzi nating si Ruben Marasigan na hindi niya napagbigyan ng isang interbyu. Sabi raw ng 16-year-old Batangueño, wala siyang natatandaang ganoong insidente, at saka that Sunday sa The Buzz, talagang pagod at inaantok na raw siya. Nagkaroon tuloy siya ng negative publicity. Pero ang sagot naman daw ni Jovit, kahit daw negative ‘yon, publicity pa rin ‘yon.
Naikuwento rin ng aming katoto ang isang insidente na napagkamalan naman siyang snatcher ng isang babae sa Imperial Palace. Naikuwento kasi ni Ogie Diaz sa isang kolum niya na nakita niya nang biglang hinalukipkip ng isang babae ang Louis Vuitton bag nito nang mapadaan si Jovit.
Hindi raw aware si Jovit na may ganoong insidente.
Namumutiktik pala sa mura ang bibig ng magandang aktres. Malayung-malayo raw sa hitsura niya ang pagiging palengkera kapag nasa bahay lang siya. At ang mga pobreng kasambahay niya ang kawawang nabibiktima ng talas ng bibig niya.
Nagagawa rin kaya ang magandang aktres na mura-murahin ang boyfriend niyang napakaganda ng breeding? Kunsabagay, paminsan-minsan ay lumalabas ang magaspang na ugali ng magandang aktres sa harap ng kamera.
‘Kinig naman kayo sa Wow! Ang Showbiz, umaatikabong masayang showbiz tsikahan ‘yan mula Lunes hanggang Biyernes, 11am-12 P.M. sa DWIZ 882kHz. Kasama sina ‘Ms. F’, as in Fernan de Guzman, at ‘Frend Rommel’, as in Rommel Placente, puwede rin kaming mapakinggan via the Internet at www.dwiz882.com. Click n’yo lang ‘yung ‘Listen Live’, libre po ‘yan! Kitakits!
For comments, e-mail [email protected].
Bore Me
by Erik Borromeo
