MAUGONG ANG TSIKANG kahit anong mangyari, mag-i-evacuate pabalik ng Kapuso ang Starstruck babe na si Cristine Reyes. Ang sanhi: ang umano’y isplit na relationship sa pagitan niya at ng mga sexy babe din na sina Angelica Panganiban at RR Enriquez ng comedy sitcom na Banana Split.
Wala pa ring malinaw na pahayag ang dalaga. Kaya naman may mga haka-hakang inaaway umano nina Angel at RR ang dalaga. May attempt daw si Pokwang, kasama rin nila sa show, na pag-ayusin ang mga dalaga. Pero sa halip raw na maayos, lalo pa raw lumala.
Usap-usapan na rin ang hindi pagsipot ni Cristine sa tapings ng show. Ito na rin daw ang mismong nagsabi sa manager nito na ibalik na siya sa Kapuso at willing siyang tanggapin kahit ano pang role ang ibigay sa kanya ng network.
Kung anuman ang kahihinatnan ng kontrobersiyang ito, isa lang ang sigurado, malaki ang pagbabagong maaaring idulot nito sa karir ng sistah ni Ara Mina at sa iba pang involved.
Pero habang hinihintay natin ang pagsasalita ng bawat kampo, i-imagine na lang ninyo kung ano ang pwedeng mangyari sakaling magsama-sama sa isang page ng diyaryo ang mga chikababes na ito.
At ngayong may mag-i-evacuate na naman sa Banana Split, ano naman kaya ang mapi-feel ng mga babe na makukulit? Sa tingin n’yo Kaparazzi, sino’ng nang-aaway at sino ang inaaway?
