NILINAW NI SAM Milby na hindi sila nagkabalikan ni Anne Curtis. Inamin niya ito sa press conference ng latest movie niya sa Star Cinema na And I Love You So noong isang linggo. Ayon na rin sa nakarating sa aming balita, sina Sam at Anne ay nakita sa isang restaurant sa Makati na magkasama noong isang linggo. Ayon sa aming source, magkasabay pang umuwi sina Anne at Sam, at sumakay pa daw sa kotse ni Sam si Anne. Dinenay naman ito ni Sam.
“Hindi lang kaming dalawa ang nandoon. Grupo kaming magkakasama. We were with Liz (Uy), Raymond (Gutierrez), Bubbles (Paraiso) and we’re not alone.” paliwanag ni Sam. Hindi rin daw totoong si Sam ang naghatid kay Anne sa bahay nito. “She rode in my car, pero ‘yung car niya kasi ay parked somewhere.” pagpapatuloy niya.
Nilinaw din ni Sam na hindi rin lasing si Anne nang mabangga ito ilang linggo na ang nakakaraan. Talagang pagod lang siya at nagtamo lang ng konting galos sa katawan. Binuko ni Sam na medyo na-trauma na nga si Anne sa pagmamaneho kaya kumuha na muna ito ng driver. Wala naman din daw nakikitang mali si Sam kung saka-sakaling siya ang maghatid kay Anne sa bahay after nilang lumabas. Nanatili raw silang magkaibigan at binuking pa ni Sam na nasa ‘Pinas na nga daw ang bagong inspirasyon ngayon ni Anne. Naniniwala pa rin kami na may something pa rin kina Sam at Anne. Pakiramdam namin ay inu-unti unti lang nila ang kanilang pagbabalikan at kinikilala pa nang husto ang isa’t isa. Kaya wait and see tayo ha!
Tumpulan naman ng tuksuhan sa presscon si Sam at ang lead actress nito sa pelikula na si Bea Alonzo. Hindi raw malayong magustuhan ni Sam si Bea dahil napakabait at napakaganda daw nito. Wish ko lang, hindi lang ito dahil sa promo ng pelikula, huh?! May naikuwento tuloy si Coney Reyes na kasama nila sa pelikula, na may special na greeting pa daw si Sam kay Bea sa tuwing dumarating ito sa set. Sexy ngayon talaga si Bea at nagpagupit pa ito. New look, pareho sila ni Sam na nagbalik sa dating gupit nito noong lumabas siya sa Pinoy Big Brother house tatlong taon na ang nakakaraan.
So sino kaya ang date nina Bea at Sam sa darating na premiere night ng And I Love You So sa Martes ng gabi? Si Derek, si Angelica Panganiban daw ang kanyang ka-date. Si Bea, si direk Lauren daw ang escort. E, paano na si Sam, sino kaya ang ka-date niya?
