DUMALO KAMI sa premiere night ng pelikulang ‘Hitman’ noong Martes at masaya kaming marami ang nanood at gustong maka-experience ulit ng action film. Full force din ang cast ng pelikula na pinangungunahan ni Cesar Montano, Sam Pinto, Mark Herras, Philip Salvador, Joko Diaz, at Diego Montano.
In high spirit ang lahat na sana ay makamtan din nila ang tinamasang tagumpay ng Manila Kingpin: The Asiong Salonga Story, kung saan naging surprise hit ito sa takilya. Senyales nga ito na muling bumalik ang interes ng mga Pinoy sa mga action films.
Sa kuwentuhan namin ni Sam Pinto, agree naman ito na blessing in disguise nga ang pagka-postpone ng release nito na nakatakda sanang ipalabas ang pelikula noong Nobyembre 2011.
At sa isyu naman ng pagkaka-link niya sa Kapuso hunk na si Aljur Abrenica, natatawa na lamang si Sam sa intriga. Aniya, magkaibigan lang sila ni Aljur at walang anumang ligawang nangyayari. Naging close daw sila dahil magkasama na sila sa endorsement niyang San Mig Light. ‘Yun na!
SUPER GUWAPO naman nitong si Diego Montano sa premiere night ng Hitman, kung saan may mahalaga siyang papel na ginampanan. Ganda ng tindig ng binata ni Cesar Montano kay Teresa Loyzaga, kaya naman maraming mga girls ang nali-link sa kanya.
Pero sa ngayon, wala pa naman daw seryosong karelasyon ang binata, kundi puro lang ito intriga at siguro ay pampainit na promo lang ng kanilang mga shows.
Nagawi naman ang usapan namin sa apelyidong ginagamit niya, matatandaang unang sumabak si Diego sa showbiz na ang apelyidong ginamit ay Loyzaga. Aniya,kinausap siya ng kanyang ama kung okay ba sa kanya na ‘Montano’ ang gagamiting apelyido para sa Hitman, dahil may tunog na pagka-aksyon nga naman ito. Wala naman daw problema ito sa kanya at sa inang si Teresa.
Pero, after daw ng pelikula, ay hindi pa niya sure kung itutuloy na nga ang paggamit ng ‘Montano’ o kaya ay ibabalik niya sa Loyzaga ang gagamiting showbiz surname. May ganu’n?
PINAGBIGYAN KAMI ni Carlene Aguilar sa taping ng Celebrity Samurai noong Martes ng maiksing panayam, at kinuwento nito sa amin na very responsible dad si Dennis Trillo sa kanilang anak na si Calix. Halos 3 times a week daw magkasama ang mag-ama at pati sa sustento ay hindi daw ito nagkulang.
Sa usapin naman ng lovelife ng ex nito sa pagkakaugnay nito ngayon kay Bianca King, ayon pa kay Carlene ay labas na siya sa personal na buhay kay Dennis. Masaya na rin kasi siya sa kanyang pamilya.
Sure na ‘to
By Arniel Serato
