HINDI PA rin matapus-tapos ang isyu tungkol kina Sarah Geronimo at Matteo Guidicelli sa diumano’y tago nilang pagliligawan. Unang pumutok ang tungkol sa kanilang pagkakamabutihan when they did a series of US shows a few months ago.
Mas tumindi pa ang mga espekulasyon nang lumabas online ang kanilang mga larawan during her party. Matteo was allegedly the only artist invited in the private birthday party of Sarah. Kung totoo man ito, mukhang espesyal nga si Matteo para kay Sarah at sa pamilya nito.
Matteo denied the rumors romantically linking them saying, “Wala naman po 
akong sinasabing nililigawan ko si Sarah.” Matatandaang sa mga naunang interviews ng aktor ay sinabi niyang magkaibigan daw sila ni Sarah.
Tinanong din si Sarah tungkol kay Matteo during the presscon of her latest product endorsement. “Okay naman,” was her short reply.
When asked to elaborate further on their special friendship, Sarah chose not to comment on the issue. “Kumbaga, okay lang na hanggang doon na lang muna. Basta gusto ko maging truthful sa inyo the best way I can. Gusto kong manahimik na lang muna.”
Mukhang wala namang problema because according to a reliable source, pabor diumano si Mommy Divine sa sinasabing panliligaw ng aktor sa kanyang anak.
Kaibigan, usap tayo muli!
Points of Boy
by Boy Abunda
