ISANG NAPAKALAKING HAMON sa showbiz career ni Sarah Geronimo ang panahong ito na ipino-promote na niya ang pelikulang Catch Me I’m In Love ng Star Cinema, na pinagtatambalan nila ni Gerald Anderson. Kasi nga, dito raw mapapatunayan kung magiging blockbuster pa ulit ang kanyang pelikula kung hindi na si John Lloyd Cruz ang kanyang kapareha. ‘Di kasi nga, parehong patok sa takilya ang dalawang pelikulang kanilang pinagtambalan, at kinuwestiyon din, na kaya siya nakoronahang Box-Office Queen ay dahil na rin sa magic ni Lloydie sa takilya.
Wala namang duda sa kasikatan ni Sarah bilang singer, dahil talagang napakarami niyang fans na mga matatanda, at kabataan, pati na mga batang paslit. Pero kailangan talagang makawala siya sa anino ng matagumpay nilang pinagtambalan dati ni John Lloyd.
Bagong tambalan ang sa kanila ni Gerald, kaya kailangan nilang makiliti ang masa para pilahan at panoorin ang kanilang pelikula. Mas malaki at napakahusay na artista ni Lloydie, kaya pagtiisan na lang muna ni Sarah ang mga intriga at ang maikumpara si Gerald sa original na ka-loveteam ni Bea Alonzo.
Makatulong din sana ang pagiging kontrobersiyal ngayon ni Sarah dahil sa katatapos niyang lovelife. Hayan nga, naaakusa-han na siyang kasama sa listahan ng mga artistang sinu-ngaling sa pakikipagrelasyon. Umamin na kasi siya na naging sila rin ni Rayver noon, pero lihim nga lamang.
Imagine, kapag iniinterbyu si Sarah sa talkshow ay dinadaan niya sa matunog niyang mga halakhak ang tanong kung mayroon na siyang inspirasyon? Inililigaw niya ang mga tanong. Na para bang wala pa talaga siyang karanasang ma-in love.
Hay, naku! Si Sarah talaga! May lihim at kasinungalingan palang nakatago sa likod ng malakas niyang mga halakhak na iyon.
MARAMING TAGA-SHOWBIZ ANG nawiwindang sa ugali ng katarayan ni Cristine Reyes, dahil sobrang maangas daw ang dating. Siya kasi ‘yung tipong walang preno ang bibig, at hindi niya iniisip na sa kanyang mga sinasabi ay mayroon na siyang mga taong nasasagasaan. Nilalait na tuloy siya, na wala pa naman siyang sobrang napapatunayan sa showbiz, pero parang mayroon siyang ipinagmamalaki, ipinagyayabang na pinaghuhugutan ng lakas ng loob para magtaray.
Pinagkukumpara tuloy ang ugali ni Cristine sa kanyang ate na si Ara Mina. Consistent daw kasi ang ugali ni Ara, na napakabait sa kanyang kapwa artista. Maamo at masayahin kasi ang dating sexy actress, na hindi nag-aalangan ang mga tao sa kanyang paligid na siya ay kausapin, dahil mabilis makagaanan ng loob ang dating karelasyon ni Jomari Yllana. Hindi raw katulad ni Cristine na parang takaw-gulo, dahil maraming nakakaintrigahan at nakakaaway.
Huwag kasing hanapin kay Cristine ang ugali ni Ara. Una na nga kasi sa lahat, iisa ang kani-lang ina, pero magkaiba ang kanilang tatay. Kaya kahit magkapatid sila ay magkaibang-magkaiba silang magdala ng kanilang personalidad.
Relihiyosa naman ang mommy nina Ara at Cristine, dahil wika ng mga nakakakilala sa kanilang pamilya sa Marikina, ay puro daw tungkol sa Diyos at panalangin ang laging namumutawi sa bibig ni mommy kapag kakuwentuhan siya. Bigyan na lang natin ng chance si Cristine, dahil baka naman magbabago pa rin ang kanyang ugali ng katarayan.
ChorBA!
by Melchor Bautista
