Totoo kaya ang tsikang lilipat na si Sarah Geronimo sa TV5?
Nabasa kasi namin sa Pinoy Gossip Boy na si Willie Revillame pa diumano ang nagsabing mag-o-ober da bakod na ang Pop Star sa Singko. Sa kanyang show na Willing Willie pa raw ginawa ni Willie ang announcement.
Anyway, matagal na rin namang pinag-uusapan ang napipintong paglipat ni Sarah sa TV5. Bago pa man siya pumirma ng one-year contract sa ABS-CBN months ago ay napabalita nang malapit nang mamaalam si Sarah sa Dos.
Kung mangyayari ang paglipat ni Sarah, for sure ay next year pa ito magaganap kasi hanggang 2011 pa ang kontrata ng dalaga sa Dos.
Kapani-paniwala naman na may tendency na lumipat si Sarah sa Singko dahil na rin sa kanyang manager, si Boss Vic del Rosario ng Viva. May connection kasi si Boss Vic ngayon sa TV5 kaya naman posibleng ilipat niya ang dalaga sa papasikat na network.
Anyway, makatulong kaya sa career ni Sarah ang kanyang paglipat kung sakali? Suportahan pa kaya siya ng kanyang fans kapag nasa Singko na siya?
HINDI NA PALA bago kay Zsa Zsa Padilla ang maging producer. Ito ang aming napag-alaman sa singer-actress na siyang producer ng Metro Manila Film Festival official entry ng RVQ Productions na Father Jejemon.
“My main concern talaga was the money. Doon ako natoka, sa pag-handle… kung saan pupunta, kung ano ang mga babayaran,” esplika ni Zsa Zsa sa presscon ng nasabing movie.
Hindi naman bagong experience ito para kay Zsa Zsa dahil nakapag-produce na siya ng TV specials and concerts in the past.
“Kung ano ‘yung experience ko bilang producer ng concert at saka noong specials niya ay nakatulong.”
Pagbubunyag pa ni Zsa Zsa, hindi siya kuripot na producer.
“Actually, gusto ko nga bayad ako kaagad. Kung hindi kami nakakabayad ay hindi pa naaayos ‘yung papeles. Kumbaga, wala pang request, wala pang billing.”
Noong una, medyo na-stress si Zsa Zsa kaya naman pumayat siya.
“Actually, I lost a lot of weight because of this project. It was stressful in the beginning because it was overwhelming for me. Kumbaga, hindi ko alam kung kakayanin ko ‘yung responsibilidad. Pero okay naman. Kinaya naman.”
BLIND ITEM: NAKAKALOKA pala ang dating wife ng isang TV personality. Matabil kasi ang dila nito at walang pakundangan kung magsalita.
Minsan, nakita nito ang anak ng isang female singer. Nang makatalikod ang singer, nagbitaw raw ang hitad na hindi raw maganda ang anak ng mang-aawit.
Siyempre, nagulat ang mga kaharap ng ex-wife ng TV personality. Namangha sila dahil hindi nila akalain na ganoon kaprangka ang hitad.
Okay na sana kaya lang may nagparating sa singer nang tinuran ng dating dyowa ng TV personality. Siyempre, na-shock siya nang malaman na nilalait ang kanyang anak. Hindi na lang kumibo ang singer dahil super close siya sa TV personality. Nahihiya siyang ikuwento ang sinabi ng ex-wife nito tungkol sa kanyang anak.
Sino ang mahaderang ex-wife? Well, matagal na siyang wala sa bansa pero this month ay may aasikasuhin siyang importanteng okasyon na may kinalaman sa TV personality.
Lex Chika
by Alex Valentine Brosas
