OLA CHIKA! MAGBABANGGAAN nga ang dalawang malaking bituin sa local showbiz na sina Megastar Sharon Cuneta at Star for All Seasons na si Batangas Gov. Vilma Santos. Talagang malaking bakbakan ito. Kalerke naman!
Hindi ito upakan, huh! Kundi sa pagtakbo sa pulitika. Dahil hahanay nga raw ang Star for All Seasons sa partido ni Vice President Noli De Castro, at medyo tahimik pa ang panig ng asawa ni Mega na si Sen. Kiko Pangilinan, na balita ko nama’y independent ito.
Talagang makikitaan ang mga ito ng kung sino ang magaling. Dahil kahit sinasabi ni Sharon na idol niya si Ate Vi, pagdating sa larangan ng pulitika, walang idol-idol, walang kai-kaibigan, at walang kapa-kapatid, devah!
Kaya alangan namang kampihan ni Mega si Vilma, eh, pa’no na ‘yung asawa niya na pareho pa naman ang tinatahan na posisyon, ang maging vice president ng bansa.
‘Di ba, bonggacious at dito makikita na bukod sa magagaling silang artista, dito rin malalaman kung sino talaga ang pagkakatiwalaanb ng tao na umupo sa posisyon. Kaloka, ha?!
At isa pa, rito rin mapapansin kung sino sa dalawang ito ang papanigan g kanilang mga tagahanga. Naku, ha? Talagang malaking banggaan ito na aabangan ng lahat, O, ano’ng ma-sey n’yo?!
Ooola Chika
E-mail: [email protected]
by Tita Swarding
