NALOLOKA AKO SA mga nakarating sa aking balita sa diumano’y hindi magandang nasaksihan ng mga tao between the Megastar Sharon Cuneta and Aga Muhlach noong concert ng Box-Office Comedy Queen na si Ai-Ai delas Alas sa Araneta Coliseum recently.
Those close to the Mega hinted na sumama ang loob ng Megastar sa aktor na masasabing close na close sa puso nito. Hindi kami nakapanood ng show ni Ai-Ai (for some unavoidable reasons) pero ang dami ng balita.
Napansin ko na nga sa interview ni Mega sa TV – when she got asked about daughter KC at sa mga intrigang ipinupukol dito na medyo mainit ang ulo ng Megastar sa pagsagot niya sa mga itinanong sa kanya about her daughter. At sa mga malalapit sa Megastar, galaw pa lang ng kilay nito o tono ng salita eh, alam mo nang merong pinanggagalingan ang sinasabi. Dahil may diin, na puwedeng hindi naman ‘yung directly na pinag-uusapan ang maituturo. And the interview happened sa concert ni Ai-Ai. Kaya sa pagkalat ngayon ng mga ganitong balita, tungkol sa nilagyan pa nga ng terminong diumano’y pambabastos ni Aga sa Megastar, alam mong ito malamang ang pinagmulan ng madiin niyang pagtatanggol sa anak.
We have yet to ask the Mega herself sa mga itinatanong ng mga nagte-text sa akin regarding the said incident. At kahit din siguro si Aga – kung makakausap namin ito.
If this has something to do with their friendship – at ito ang nabastos sa parte ni Mega – hindi na kami magtataka kung sumama nang todo-todo ang loob niya sa aktor na isa sa nirerespeto niyang co-actor at kaibigan niya sa industriya.
Hindi ko pa nga mawawaan kung ano’ng klase ba ng pambabastos ang ginawa ni Aga kay Mega, eh. Kasi, an actor of his stature na itinataas natin ang imahe as a gentleman, at love nga ng kababaihan will do that to a woman, and a lady at that, na ang trato ng mga taga-industriya eh, isang royalty-and true-blue royalty.
So, ano’ng klase ng kabastusan ba ang ginawa nitong si Aga kay Mega?
HINDI NA NGA kailangan pa ni Marian Rivera na patulan ang mga binitiwang salita o opinyon ni Ms. Vivian Velez hinggil sa naging pagganap ni Marian sa katauhang ginampanan niya some years ago sa ni-remake ng GMA-7 na Ang Babaeng Hinugot sa Aking Tadyang na si V.V. ang nag-produce at siya rin ang naging bida.
Actually, in a jolly mood si Marian when she was talking to the members of the press sa presscon ng Super Inday and the Golden Bibe. Could it have something to do with being in love?
“Kasi, wala namang mangyayari kahit pa sagutin ko ‘yan. Kasi, wala naman akong dapat pa na i-react. Natapos na ang series. Nagawa ko na. Nagustuhan naman ng mga nanood. And so far, ang mga nagre-react na nga lang sa opinyon niya na nirerespeto ko rin naman eh, ang mga taong nagmamalasakit din lang sa akin. Right naman nila ‘yun. And sa akin, tinatanggap ko na lang na she (V.V.) doesn’t mean any harm naman. Kanya-kanyang opinyon lang naman ‘yan. Basta ako, tama ang sabi mo Ateh – I did my best!”
Very comfortable rin si Marian sa bagong mga katrabaho niya sa “Super Inday…” na galing sa katapat niyang network – na sina Jake Cuenca at Pokwang. At hindi raw siya kinakabahan kung sa pagkakataong ito eh, hindi ang love niyang si Dingdong (Dantes) ang katrabaho niya. Ngiti nga lang nang ngiti ang Marian all through the night, ha? Talagang kampante na sa takbo ng relasyon nila ng tunay na super hero in her life!
The Pillar
by Pilar Mateo
