OLA CHIKKA! NATAWA naman ako sa balitang narinig ko tungkol dito sa Megastar ng ‘Pinas na si Sharon Cuneta. Bhuket?
Tungkol ito sa napabalitang pag-walkout niya sa show niyang Sharon. Hindi ko lubos maisip kung bakit niya ginawa iyon, ngunit ang sabi-sabi ay nagutom daw itong Megastar at humingi ng meryenda. Agad daw itong nagalit nang makita na ang binili para sa kanya ay hindi galing sa fastfood na ine-endorse niya, kundi sa kalaban pa! Oh, anong say n’yo?! Ako? Ang corny! Ha-ha!
Ayon sa aking parazzi girl, ang tunay na dahilan ng pag-walkout nitong si Sharon ay dahil sa nararamdaman niyang napapabayaan na siya ng Dos. Ayaw na ayaw raw niya ang nangyari na kung kailan mag-i-start na ang taping ay doon lamang ibinibigay ang mga songs na kakantahin niya para sa programa niya.
May point nga naman si Sharon, dahil kahit gaano ka pa kagaling kumanta ay kailangan mo talaga ng oras para makapag-prepare. Aba! Taray ni Sharon, nang-agaw na ng titulo… bagong ‘walk-out queen’!
Dagdag pa ng parazzi girl ko, may halo na ng sama ng loob itong si Sharon sa kanyang pinagtatrabahuhang istasyon dahil kung dati ay siya ang reyna ng Dos, ngayon ay halos hindi na siya nabibigyan ng pansin.
Talaga nga bang masama ang loob mo Sharon?! Hmmm… Maging dahilan kaya ito ng paglipat din niya ng istasyon lalo na at medyo may koneksiyon siya sa panibagong istasyong paglilipatan niya kung sakaling magkatotoo nga?
Teka… makatawag nga sa PLDT nang makakuha ng impormasyon. Ha-ha!
DAHIL NASA USAPANG paglipat na naman tayo ng istasyon, narinig ko rin na itong si Mo Twister daw ay kakasuhan daw umano ng GMA-7, dahil sa hindi pagtapos niya ng kontrata sa kanila at agad na paglipat sa TV5? Ay ang taray! Ang galing mag-over the bakod!
Naku, huh! Masamang pangitain ‘yan para sa Siyete… tsk, tsk, tsk! Tulad na lang nitong nagsimula sa Starstruck na si Rainier Castillo, matagal nang pinabayaan ngunit ngayon na kinuha na ng Singko ay muling sinusuyo ng Siyete. Ang gulo n’yo, ah!
Pero teka! Kung naguluhan kayo d’yan kina Mo at Rainier, mas magugulo ang utak n’yo sa idadagdag ko pang chikka. Ayon na naman sa chismosa kong parazzi girl, may posibilidad din daw na mawala sa Siyete itong napaka-yummy na si Dingdong Dantes! Tama! Si Dingdong Dantes! Dahil hindi pa siya muling pumipirma ng kontrata sa Siyete, kaya baka isang araw ay magulat na lamang tayo at bumulaga ang napakasarap na si Dingdong sa kabilang istasyon…
Hmmm… may naamoy akong malansa… kung ano man iyon ay hindi ko na sasabihin! Ha-ha!
BLIND ITEM: PITIK-BULAG! Sino siya? Sino itong tumatakbo bilang Mayor sa isang lungsod sa Metro Manila na tinanggalan ng campaign fund ng kanyang financer dahil sa pagiging bantay-salakay!
Ang kuwento raw ay itong vice mayor ay tinalo ang anak ng dapat ay magbibigay sa kanya ng pera para sa pangangampanya ngunit dahil pinormahan at tinalo ang anak ay ayan! Wah nang datung! Pa’no pa siya tatakbo kung wala siyang kaperahan?! Ha-ha! Sino siya? Isa-isahin niya na lang ang mga lungsod dito sa Metro Manila nang malaman n’yo! ‘Yun na!
Para sa mas maiinit pa na chika at makatotohanang balitaktakan pakinggan n’yo po kami sa DWBL 1242 khz kasama ang sosyalera kong co-host na si Michelle Junia every Monday to Friday mula 8 hanggang 9 ng umaga at sa RHTV / DZRH tuwing linggo 2:30 to 3:30 pm. This is your Tita Swarding saying thank you very much and God Bless!
Ooola Chika
E-mail: [email protected]
by Tita Swarding
