HINDI RAW maipaliwanag ang sobrang sayang nararamdaman ng singer/ actress/ composer/ businesswoman na si Sheryl Cruz sa nominasyong nakuha ng kanyang self-titled album na “Sheryl Cruz, Sa Puso Ko’y Ikaw Pa Rin” under Universal Records sa Philippine Movie Press Club (PMPC) Star Awards for Music.
Three major nominations ang nakuha ni Sheryl.
“Song of the Year” para sa “Mananatili” na naging theme song ng Kapuso Korean serye na May Queen. Makalalaban nito ang mga awiting “Akin Ka Na Lang” ni Morisette Amon/ Star Music, “Ikaw” ni Yeng Constantino/ Star Music, “Mahal Ko o Mahal Ako” ni KZ Tandingan/ Star Music, “Mr. Right” ni Kim Chiu/ Star Music, “Pare Mahal Mo Raw Ako” ni Michael Pangilinan/ Star Music, at “Simpleng Tulad Mo ni Daniel Padilla/Star Music.
“Female Recording Artist of The Year” na makalalaban naman sina Jamie Rivera – We Are All God’s Children/ Star Music, Kuh Ledesma – Memories/ Universal Records, Pilita Corrales – Duets/ Viva Records, Sarah Geronimo – Perfectly Imperfect/ Viva Records, Toni Gonzaga – Celestine/ Star Music, Yeng Constantino – All About Love/ Star Music.
“Female Pop Artist of The Year” na makatutunggali naman sina Jennylyn Mercado – Never Alone/ GMA Records, Julie Anne San Jose – Deeper/ GMA Records, Kim Chiu – Mr. Right/ Star Music, Sarah Geronimo – Perfectly Imperfect / Viva Records, Toni Gonzaga – Celestine/ Star Music.
John’s Point
by John Fontanilla
