OLA CHIKA! NAKAKALOKA ang chikang ito na ipinadala sa aking e-mail, tungkol sa Star Patroller ng TV Patrol na si Gretchen Fullido. Hindi ko naman po ito masasagot, kaya’t minarapat ko na lang na ibahagi sa inyo, at kayo na po ang bahalang humusga.
Narito ang kabuuan ng e-mail, walang labis-walang kulang, ‘ika nga. Galing ito sa isang “Curt James” at may e-mail address na [email protected].
HI TITA SWARDING,
I have a very reliable source who happens to be sitting behind the desk and speaking behind the microphone of DZMM and this is the freshest and juiciest OPEN SECRET ngayon sa news and current affairs department.
how true na nanood ng concert ni Craig David ang dyogga queen at kinaiinisan na star patroller ni tita Chit Ramos na si Gretchen Fullido at after ng concert, ayon, together ang dalawa at balitang nag CHECK IN!!!
Kung papanoorin ang mga interviews ni Gretchen sa international star, todo pa-cute nga ang dalaga na mahilig umattend sa mga “foundation” day (too much makeup).
Sana po mabigyan nyo ng espasyo sa inyong kolum ang obserbasyon na ito. Walang aamin ng on the record ang tungkol dito sa sinuman sa mga nasa ABS news and current affairs, pero ito ang latest na bulung-bulungan at open secret na pinag pipiyestahan nila, yun nga lang kailangan protektahan ang pinakama-mahal at pinagmaMALAKING si Gretchen Fullido.
Minabuti ko pong sa inyo ipadala ito at mabigyan pansin (o mapag chismisan heheh) dahil no holds barred ang inyong mga column kumpara sa PEP. Ang mga tao dun kasi mahilig magmalinis. Mas gusto ko na ngayon ang pinoy parazzi.
Gustong gusto ko sana ang babaeng yun, pero tingnan natin kung magbago isip ko heheh… more power po and goodluck sa inyo tita Swarding. Thank you.
NAKATALAMITAM KO NANG harap-harapan ang buong production ng Jampack sa pangunguna ni Direk Elmer De Vera, at producer na si Warren Sarmiento, sa ipinatawag nilang presscon para sa nalalapit na concert na Faces of Rock, kung saan pinagsama-sama sa kauna-unahang pagkakataon ang mga sikat na rakista sa bansa, mula 70s hanggang sa kasalukuyang henerasyon.
I’m sure mag-e-enjoy talaga ang lahat dito, dahil nandiyan ang walang kupas na si Joey ‘Pepe’ Smith, The Dawn, Parokya ni Edgar, Calla Lily, at ang bagong bandang Bojo. Gagawin ang events na ito sa Marikina Sports Park.
Talagang todo-rakrakan ang events na ito. Hindi ko nga maisip na sa loob lamang ng ilang araw, napa-oo nila ang mga bandang sobrang higpit ng schedule, at take note, hindi naging problema ang TF nila, hahaha!
Noon ngang nakaraang Sunday, binisita ako nina Direk Elmer at producer na si Warren, kasama ang Bojo, sa aking programa sa radyo sa DZRH, kung saan halakhalakan at todo-tawanan sila sa aking interview, at magiliw ring sumagot ang bagong sibol na bandang Bojo.
Tinanghal na grand champion sa Colt 45 Rockista noong 2006 ang bandang Bojo na kinabibilangan nina Robert Joseph ‘Bojo’ de Dios (lead vocals), Erwin ‘Err’ Sape (vocals), Raymond ‘Patras’ Ramos (lead guitar), Krispen ‘Soul’ Deloroso (bass), Jackson ‘Jack’ Perez (drums) at Genes ‘G#’ Layda (keyboard). Napagwagian nila ang nasabing contest nang gawin nila ang magkakahalong kanta at moves na reminiscent ni Axl Rose ng Guns ‘N Roses at Freddie Mercury ng The Queen, na talaga namang napaka-powerful ‘pag pinagsama-sama, ‘di ba?
Kasalukuyang ginagawa ngayon ng bandang Bojo ang kanilang album na malapit na ring i-release. Sabi ko nga, kung nakahanda ba ang Bojo na makipagsabayan sa nalalapit na Faces of Rock concert sa April 17? Walang kiyemeng sagot ni Bojo (lead vocalist ng grupo), ibibigay nila ang lahat para mag-enjoy ang lahat at handa na silang makipag-rakrakan sa ibang banda, huh!
Kaya malaking aabangan ito ng lahat. ‘Yun na!
Ooola Chika
E-mail: [email protected]
by Tita Swarding
