SI QUICKIE ANG rapper na half-brother ni Krista Ranillo na madalas na laman ng blind item nitong mga nakaraang araw. Siya ‘yung personalidad na may malaking sama ng loob kay Krista at sa family nito dahil buti pa raw ang kanilang aso na si Sophie, e, naibibigay nila ang luho at pinagkakagastusan ng malaki sa eroplano at sa ‘Merika. Si Ed Manuel ang ama ni Quickie na unang naging ka-partner ng mother ni Krista bago si Mat Ranillo III.
Masama rin daw ang loob ni Quickie sa kanyang mother na si Linda Tupaz dahil hindi nito kinikilala ang kanyang apo at never daw itong tinulungan kapag nangangailangan.
Malamang, alam ni Quickie ang tunay na kalagayan ni Krista, kung buntis ito o hindi. Malamang, alam din niya ang tunay na naging relasyon ni Krista kay Manny Pacquiao. At malamang din, kapag nagtuluy-tuloy ang kanyang galit sa kanyang half-sister na si Krista at sa mommy nila, e, lalabas ang lahat ng kuwento galing sa kanya… pwamis!
We all know na maraming gumagawa ng mga gimmicks sa showbiz lalo na kung may mga loveteams na pinu-push at meron pang mga drumbeaters para kiligin ang mga fans.
Just wondering, may nakapagbalita kasi sa amin na scripted daw ang pagbibigay ng pink bike ni Gerald Anderson kay Kim Chiu kaya we would like to ask ABS-CBN’s PROs, true ba ito?
Hmmm… kung sa bagay, kung talagang magbibigay ka ng regalo sa iyong love, bakit kaya kailangan pa itong i-broadcast at i-cover ng isang TV show? Hindi ba’t mas romantic at sincere kung ibibigay ito in private? Just asking lang naman po.
Isang pilot na may last name na Tan ang ka-date ni Sunshine Dizon nang minsang bumirit ito at nagpakitang-gilas sa pagkanta sa may Technowave Bar last weekend.
Matangkad at guwaping si pilot Tan kaya naman botong-boto sa kanya ang mga friendship ni Shine. Bukod sa boylet, e, kasama rin ni Shine ang iba pa niyang friends na nagkakasiyahan sa naturang bar.
And if Shine is around, will Mommy Dorothy be far behind? Nandu’n din naman si Mommy Doty para mag-estima sa mga kasama ni Shine.
The way we look at it, e, mukhang boto naman si Mommy Doty kay pilot Tan dahil wala naman itong sinasabing hindi maganda against the guy.
Kilala namin si Mommy Doty dahil kung hindi niya gusto ang isang boylet para sa kanyang anak, sigurado, gigiyerahin na niya ito nang todo.
Very casual naman si Shine and as much as possible, e, ayaw niyang maintriga sila ng kanyang ka-date. Medyo umiiwas nga siya sa amin that night para siguro hindi na namin siya kulitin tungkol sa kasama niyang piloto.
Nasa edad na naman si Shine at kung sakaling maging lucky ang guy, e, bagay naman silang dalawa. Kahit itanong n’yo pa kay Mommy Doty.
For reactions, please e-mail [email protected]
Sour-MINT
by Joey Sarmiento
