MAY NASAGAP kaming tsika na diumano ay walang Kris Aquino story na pwede lumabas sa mga TV shows ng Kapamilya Network. Totoo kaya ito? Bakit?
Ayon sa source namin, wala man daw official memo from the big bosses of the network, parang rule na rin na sinusunod ito sa loob ng network, lalo na nang mga nagko-cover ng mga events at presscons ng Queen of All Media for ABS-CBN media outlets kasama na ang television at radio.
Pansinin ninyo na kahit mayroong pelikula si Kris Aquino for Star Cinema (ang film outfit ng ABS-CBN); parang hindi visible si Kris sa mga TV promo ng pelikula niya na “I Love You, Hater” with Joshua Garcia and Julia Barretto na showing na sa July 11.
Sa grand presscon ng pelikula ni Tetay with JoshLia recently, sa bibig na rin mismo ni Kris lumabas ang dahilan kung bakit.
Kuwento ni Kris sa mga media na dumalo: “Ganito lang ka-simple kasi ‘yon, I know the realities of life and I also know that their franchise is at stake. I’m being so honest, diretsahan na ‘yan.”
Yun na!
Reyted K
By RK Villacorta
