ILANG BESES NA nga bang sinabi ni Sam Milby na crush niya si Sarah Geronimo sa kanyang mga interbyu? Pagpapahiwatig ba ito na may gusto siya sa Young Superstar? Palaisipan, bitin, hindi malinaw kung ano talaga ang intensyon ni Sam sa dalaga. Ano nga ba?
Thank you lang ang naging reaction ni Sarah sa naging pahayag ni Sam. Hindi niya binigyang-malisya ang pagpapalipad hangin ng binata. Ibig kayang sabihin ng Pop Princess, hindi siya interesado sa ginagawang pagpaparamdam ng aktor sa tele-musical show nilang Idol? Maraming movie writers ang nakapansin kay Sam sa set na panay ang emote nito habang ini-interview nila ang dalaga. Tipong nag-i-emote ang binata pero deadma lang ang young actress na parang walang nakita kahit panay ang daan nito sa harapan niya.
Seryoso na nga diumano si Sam sa tunay niyang saloobin kay Sarah, lalo ngayong nakasentro sa kanila ang istorya ng Idol na sinagot niya ang hunk actor sa romantic scene nilang dalawa. Feel na feel daw ni Sam ang nakakikilig nilang eksena ni Sarah. Ayon sa singer/actor, mas komportable raw sila ngayon ng Young Superstar kahit madalas pa rin siyang tawaging Kuya ng singer/actress. Naiilang naman ang guwapong aktor tuwing tinatawag siyang Kuya nito.
Hindi lang kaya madiretso ni Sarah si Sam na tigilan na nito ang pagpapa-cute tuwing nagkikita sila sa set. Knows naman kasi ng dalagang mahilig sa magaganda’t seksi ang singer-ackor, hindi ang tipo niya ang magugustuhan nito. Alam ni Sarah, hindi siya kagandahan at hindi siya sexy pero sikat naman! Ayaw naman niyang isipin na ginagamit lang siya ni Sam para mapag-usapan at muling manumbalik ang sigla ng showbiz career nito.
Kung talaga raw malinis ang hangarin ni Sam kay Sarah, dapat sana’y pormal siyang humingi ng permiso sa dalaga at kay Mommy Divine na aakyat siya ng ligaw sa kanilang bahay. Kung mangyayari ‘yun, pagpapatunay na totoong seryoso nga siya sa gagawin niyang panliligaw.
Siyempre, pakikiram-daman muna ni Sam si Sarah kung may pag-asa, hindi naman basta na lang siya manliligaw na walang aasahan sa kanyang nililigawan. Kailan kaya namin maririnig na sasabihin ni Sam in public na liligawan niya ang Pop Princess? Sasaludo kami with matching palakpak kay Sam Milby kung magkakatotoo ito!
Right now, ini-enjoy ni Sam ang pagkanta at hilig sa musika. Aside sa pagtugtog ng gitara, marunong din siyang mag-piano. Dalawang songs na ang puwede niyang tugtugin nang buo na siya mismo ang nagpi-piano. First time kasi niyang gumawa ng tele-musical show kaya patuloy ang pag-aaral niya ng iba’t ibang kanta na piano lang ang background music while singing.
BUBULABUGIN NI MOCHA Uson ang mundo ng showbiz sa bago niyang advocacy tungkol sa breast cancer awareness campaign this October. Nahirang ang sexy singer bilang spokeperson o ambassadress ng Philippine Foundation for Breast care, Inc. (PFBCI) na naka-base sa East Avenue Medical Center, Out-Patient Dept., Ground Floor, East Ave, Quezon City.
Ito’y sa pangunguna ng mga opisyales na sina Lourdes Cortez, Pres. Elisha Martinez, Vice- President Evette Demaisip, Sec. Elizabeth Pineda, Tresurer and Pearl Imperial, P.R.O. Ito ay sa pakikipagtulugan ng Balintataw Film and Theater Arts na pinamumunuan ng Artistic Director na si George Vail Kabristante.
Sa October 12, 2:00 p.m. ay magkakaroon ng “Kapuso Love Affair” isang pagtitipon at selebrasyon ng PFBCI na isasagawa sa 2nd floor conference room ng East Avenue Medical Center para sa mga pasyente, kaibigan at mga supporters ng nasabing foundation na ang hangarin ay maipapalaganap ang nasabing advocacy.
Sa nasabing pagpupulong ay hindi mangingimi si Mocha Uson na ipapakita o ide-demonstrate ang isa sa mga paraan kung papano made-detect na ang isang babae ay may sintomas ng breast cancer o ‘di kaya sa iba pang breast-related disease. Ito ay sa paraan ng paghipo niya mismo sa kanyang suso para maituro ang tamang technique sa mga hindi pa nakaaalam kung paano ito gagawin.
AYAW Paawat!
by Eddie Littlefield
