Tiyak na magkakaroon ng intrigang may nangarir diumano para kay Rhian Ramos para sa role niya para sa next project niya with Dingdong Dantes.
Natawa na nga lang ang isang GMA executive nang itanong namin ito during the cast and thanksgiving party ng Zorro. Talagang para kay Rhian daw ang role ni Jodi ng Stairway to Heaven na siya ngang next project for Dingdong na hindi kasama si Marian Rivera.
Ayon pa sa naturang executive, bukod sa tina-try nilang mag-experiment ng mga loveteams, maayos din nilang pinakikinggan ang viewers’ reaction and feedback. So far, may demand sa tambalang Dingdong at Rhian.
Well, nu’ng huli naming nakatsika si Papa Dingdong ay malinaw nitong sinabi na as an actor at contract artist ng GMA, he can only follow and do his best. Besides, bilang isa sa mga sought after leading men, mas plus factor pa sa kanya ‘yun, ‘di ba?
Gaya ng paglilinaw ng Star Magic sa naisulat nating item on Nikki Gil, nilinaw rin sa amin ni kaibigang Jun Lalin na fake at hindi siya ang may-ari ng Facebook account na nagbalitang lilipat na nga ng network ang actress-host.
“May hinala na kami pero magsasalita ako at the right time and venue. Pinag-aaralan na ng lawyer ko ang gagawin namin dahil hindi na nakakatuwa ang ginagawa ng nagnanakaw ng identity ko,” depensa pa ni Jun.
Well, gaya ni Jun ay pinagtatawanan na lang ng Star Magic ang isyu dahil kuntento at masaya si Nikki sa Kapamilya network. Maraming mga projects ang nakatakda nitong gawin at tapusin at mas lalong wala raw kinalaman ang boyfriend nitong si Billy Crawford sa usaping nabanggit.
Gawa-gawa lamang diumano ‘yun ng mga walang magawa at marahil ay naiinggit kay Nikki. ‘Yun na!
Grabe ang trapik kahapon. SONA kasi ni Pangulong Arroyo at nasabay pang Iglesia ni Cristo Day.
Kahit saan kami sumuot ay grabe ang trapik. The previous night kung saan grabe rin ang bagsak ng ulan, aksidente namang nakasabay namin ang isang young couple na nagpapatila sa isang coffee shop.
Medyo nagulat pa kami dahil wala namang kabali-balita na nagkabalikan sila. Iilan lamang kami sa naturang coffee shop na malapit diyan sa may Welcome Rotonda kaya’t hindi namin puwedeng masabing walang namamagitan sa kanila lalo pa’t malamig at malakas ang ulan nu’ng gabing ‘yun. In short, dedma sila sa kanilang PDA as in PDA.
Nasa magkaibang istasyon ang dalawa sa kasalukuyan. Mas may pangalan si young actress pero grabe naman ka-intense ang pagka-aktor ni lalaki. Basta, kami ang naunang umalis sa naturang lugar. Kung saan man sila tumuloy ay hindi na namin pinakialaman dahil sa sobrang sweet nila, parang kahit ang asukal na pang-kape ay naubos.
Showbiz Ambus
by Ambet Nabus
