Pumutok na ang link-up nina Gabby Cocepcion at Mutya ng Pilipinas beauty queen Zara Aldana. Lalong napag-usapan ang isyu dahil sa pagiging visible ni Gabo sa pagpo-promote ng pelikulang I’ll Be There.
Pero sa totoo lang, alam namin ang istorya kung paano nagkakilala ang dalawa at kung paano rin natigil ang kanilang ‘short-lived relationship.’ From a person very close kay Zara e, narito ang kanyang kuwento.
“Nagkakilala sina Gabby at Zara last year sa Christmas Tree lighting na naganap sa Tutuban Center. Ipinadala si Zara doon ng Page Jeans at si Gabby naman e, ipinadala ng kumpanyang kanyang ine-endorse.
“Nagkapalitan sila ng kanilang mga cell numbers and of course, it follows na nagkapalitan din sila ng mga sweet messages nang sumunod na mga araw.
“January this year e, nagkasunud-sunod ang pagkikita ng dalawa. Kumakain sila sa labas at nagku-kuwentuhan. Kung babasahin mo ang body language ni Zara nu’ng time na ‘yon e,makikita mo sa kanya na inspired siya at excited sa mga nangyayari sa kanyang buhay. Siguro nga, si Gabby ang dahilan nu’n.
“Pero nanatiling tahimik lang ang lahat until nu’ng mga last week of April kung saan nagpunta sa isang shop ng Page Jeans sa EDSA-Crossing ang pinaniniwalaang asawa ni Gabo.
“Sabi ng mga nakakita, itinuturo raw ng girl ang litrato ni Zara sa shop, kung saan isa siya sa mga endorsers. Hindi raw maganda ang mga salitang binitiwan nu’ng babae patungkol kay Zara kasama na ang ‘malandi’ at ‘mang-aagaw ng asawa.’
“Sinabi pa raw ng babae na hindi raw sila titigil sa paglilibot sa mga malls kung saan nila makikita ang mga litrato ni Zara para makarating daw sa dating beauty queen na alam na nila ang kanilang lihim.
“At that point e, hindi na raw nag-text si Gabo kay Zara. Hindi na raw ito nagparamdam at hindi na rin daw ito sumasagot sa mga calls,” mahabang kuwento ng aming source tungkol sa totoong istorya ng Gabo and Zara link-up.
As of press time, asar daw si Gabo sa istoryang naglalabasan. Wrong timing daw ito dahil lagi niyang kasama ang kanyang anak na si KC kaya hindi na raw dapat pinag-uusapan.
Pero nais naming linawin, matagal nang usapan sa showbiz circle ang balitang ‘yon at dahil recently lang naging visible si Gabo sa press dahil sa promo ng kanyang movie e, pagkakataon na rin ‘yon siguro ng aktor para i-clear ang isyu.
Sour-MINT
by Joey Sarmiento
