KINUMPIRMA SA AMIN ng isang kaibigan na totoong tatapusin na lang ni Charlene Gonzales ang kontrata sa programang The Buzz at lilipat na ito sa TV5 para sa isang talk show. Hindi tiyak ng ating source kung isasama bilang co-host sa programang Paparazzi or Juicy, pero ang tiyak ay may mga show nang nakalaan sa dating beauty queen.
Nang makasalubong namin si Aga Muhlach kamakailan, tinanong agad namin ang aktor. “No, ayokong magsa-lita. Hindi ko alam ang tungkol sa bagay na iyan,” iwas na sabi ng aktor habang makahulugang nakangiti sa amin.
Sina Charlene at Aga ay kapwa “deadma” pansamantala sa isyu, pero ang malinaw na usap-usapan ay ang napipintong paglipat ni Charlene sa TV5, kung saan matatandaang bago pa siya naging co-host nina Kuya Boy Abunda at KC Concepcion ay nagkaroon na ng mga show ang aktres sa Kapatid Network.Tsuk!
NAGPUPUYOS MAN ANG damdamin, nanatiling walang kibo muna raw si Jinkee Pacquiao sa usaping may anak ang Pambansang Kamao kay Kat Ordoñez, na bininyagan last September 17.
Noong una raw, hindi naniniwala si Jinkee pero nakumpirma umano ito ng maybahay ni Pacman nang hindi na mamatay-matay ang issue.
“Actually, hindi pa nila ni Manny napag-uusapan ang tungkol du’n kasi iniiwasan din siyempreng bigyan ng problema si Pacman, lalo pa’t malapit na ang laban nito, kasi baka maapektuhan, ‘di ba? Pero sa totoo lang gigil na gigil talaga si Jinkee sa isyu dahil alam na niyang totoo talaga ito,” sey ng aming source.
Kung paniniwalaan ang balita, bagama’t naniniwala si Jinkee sa issue ay ayaw pa rin nitong idaan sa DNA ang usapin.
“Kasi kung idi-DNA, aba baka lalo siyang maloka. Kaya ang feeling ko, hahayaan na lang niya na ang tsismis ay manatiling tsismis, kesa naman maikumpirmang may anak si Manny sa iba.” Pagtatapos ng aming kausap.
GRABE PALA ANG nangyaring laplapan sa pagitan nina Carla Abellana at Governor ER Ejercito para sa pelikulang Asiong Salonga.
“Bumigay nang todo si Carla at tiyak na pag-aawayan nila ito ni Geoff ‘pag nagkataon,” sabi ng isang mahaderang kaibigan na nagkuwento kung paanong nag-enjoy raw ang aktres sa maiinit na halik ng gobernador ng Laguna.
“Nakita mo ba kung paanong humalik si George Estrada (sumalangit nawa ang kaluluwa)? Naku, ganu’n o baka mas matindi pa nga du’n!” Sabi pa uli ng aming source.
Tinanong namin si Gob. ER nang makita namin ito. Ngumiti lang ang actor-politician. “Huwag na nating pag-usapan iyon, basta ang masasabi ko lang, maganda ang Asiong… at natutuwa ako dahil kasama na siya ngayon dito sa Metro Manila Film Festival.”
Kuwento ng aming source, halos magdugo raw ang mga nguso nina Carla at Gov. ER matapos na kunan ang nasabing lovemaking.
“Gob, kayo po ba ni Miss Nora Aunor, may torrid kissing scene?” Tanong namin na hinalakhakan lang ng aming pinatungkulan. “Hahahaha! Wala, wala kami!”
Teka, bakit kapag napag-uusapan ang matin-ding bed scene with Carla ay tuwang-tuwa si Gob. ER, samantalang kapag si Mama Guy ay parang iwas siya. Teka… bakit nga kaya?
More Luck
by Morly Alinio
