MUKHANG PATUNGO NA sa reconciliation ang away nina Mariel Rodriguez at Toni Gonzaga. Ang latest tsika na aming nakalap, nagte-text-an na raw ang dalawa ngayon. Hindi magtatagal ay baka tuluyan nang mag-usap ang dalawa at magkabati na.
Sinabi naman ni Toni na ayaw niya ng may kaaway at gusto na niyang mag-move on sa gulo nila ni Mariel. Natuwa nga siya nang malaman niyang nag-text sa KTEXT si Mariel recently at sinabing suportahan ng fans ang movie ni Toni na My Amnesia Girl.
Very positive din si Mariel sa kanyang sagot kung willing siyang makipag-usap kay Toni.
Kagagaling lang niya at ng kanyang dyowa sa India kung saan gumawa sila ng movie.
This year na pala magtatapos ang kontrata ni Mariel sa E-Live at hindi pa sure kung babalik pa siya sa show o kung magre-renew siya sa ABS-CBN.
LUMALA NA ANG issue sa pagitan nina Sharon Cuneta at Aga Muhlach.
Mangiyak-ngiyak na nagpaliwanag si Sharon noong launching ng kanyang fragrance line na Loving.
“Ang dami ko kasing puwedeng sabihin, but you know I don’t know if I’m alone in wanting to save the friendship. Kasi ang totoo nito, ganito lang po ‘yon. Dapat hindi lalabas ‘yung rason ng mga personal na tampo ko, kasi seven years na kaming magkaibigang matalik… seven years… as in puwede niya akong batukan… puwede ko siyang suntukin, gano’n. Very ano kami… I know him, he knows me. I love his family. Minsan pumupunta siya sa bahay kakain siya,” kuwento ni Sharon.
Feeling ni Sharon, lumaki ang issue matapos mainterbyu si Aga na na-bad trip daw sa joke. Ang ikina-badtrip ni Aga ay ang comment ni Shawie na “Sino ‘yun?” nang banggitin ni Ai-Ai delas Alas na nasa concert niya sa Araneta ang isa sa naging leading man ng Megastar.
“Feeling ko between me and Aga ito. Lumaki ito nang ganito, nagkasakit-sakitan na after the Ricky Lo article. Parang naawa naman ako sa sarili ko, kasi I had to defend myself.
“I really thought while it was going on, I had it all under control na joke lang ito lahat talaga. I mean, give me naman a little credit for not saying on stage na bakit ako galit.
Kung talagang galit ako, ‘pag ‘di ko na ma-take ‘yung tampo,
hamunin ko na lang ng suntukan,” pagpapatawa ni Sharon.
“I’m quick to say I’m sorry if I’m wrong, so please forgive me if I said something up onstage, but kung hindi mo rin alam kung ba’t ako nagtatampo, wala na ba talaga akong halaga sa ‘yo?
“Sana tapos na ito. I think I’ve reached out. I’ve done my part, so Teng (tawag niya kay Aga), kung may natitira pa akong halaga sa ‘yo bahala ka na sa gagawin mo.
And if this is the end of our friendship after seven years… ganito na
lang tayo… nag-uusap sa presscon… what can I do? Basta ako ‘pag nawala ako sa isang kaibigan, promise, napakalaki kong kawalan. Wala ngang nagmamahal na tulad ko, OA nga ako. Wala akong pagkukulang, pagsosobra marami,” sabi ni Shawie.
BLIND ITEM: Hindi marunong magpahalaga ang singer-actress na ito sa kaibigan niyang manunulat.
Nakasama niya ang writer at nagkatrabaho pa sila pero noong birthday ng hitad ay hindi man lang niya naalalang imbitahin ang pobreng writer. Ang nakakatawa pa, ang mismong boyfriend pa ng singer ang nag-imbita sa manunulat para dumalo sa birthday ng mang-aawit. Siyempre, out of delicadeza, hindi umapir ang writer sa birthday ng singer.
Tsugi na pala dapat ang singer sa isang musical variety show. Nanggaling mismo ang tsismis sa isa niyang malapit na kamag-anak. Hindi lang natuloy ang pagtsugi sa kanya kasi nakialam ang bago niyang manager at ginawa yatang panangga ang kanyang sikat na aktor na alaga, para hindi alisin ang beauty ng singer na malapit nang malaos.
Lex Chika
by Alex Valentine Brosas
