SOBRA-SOBRA NAMAN YATA ang naging “parusa” kay Paul Jake ng Pinoy Big Brother (Double Up) nitong madaling araw ng Martes. Ang dami nang naghihinakit kay Big Brother dahil gusto na yata niyang sumuko ang mayamang housemate para mabigyan ng chance ang mga poor na sila Melissa (Melai), Jason, Johan, Mariel at Tibo.
As if mortal sin na ang maging mayaman na siya ring dahilan kung bakit gusto na rin siyang palayasin ng mga binanggit na housemates. Para sa mga televiewers, ngayon lang lumabas ang tunay na ugali ng mahihirap na housemates. Akala nila, pang poor lang ang Pinoy Big Brother.
Actually, ito rin daw ang mga sinasabi ng kapwa-mayayaman nina Paul Jake sa Cebu. Ang pinangangambahan nila ay pagkakaisahan sila ng mga poor housemates na may poor ding utak ang kanilang kababayan.
Imagine, pinagsuot ng dress, wig with matching make-up si Paul Jake, eh, pinag-high heels pa, lalo’t first time at never na-imagine ng mayamang housemate na ipagagawa sa kanya ang mga iyon. Pinagsayaw, pinatakbo at pinagaya pa sa kanya ang anumang gawin ni Mariel, nang ilang minuto, huh!
Kitang-kita sa mukha ni Paul Jake ang sobrang sakit na nadarama nito sa kakaibang task na mukhang prang parusa ni Big Brother. Buti na lang at kinaya ng mayamang housemate ang task na iyon. Mahigit isang Linggo na lang naman, ngayon pa ba siya susuko? Hindi lang sa kanyang mga kababayan, pamilya at lahat ng PBB followers napatunayan niya ang kanyang sarili, kundi maging sa kanyang mga housemates. Sa ngayon kasi, siya ang pinaka-deserving na maging Big Winner.
WALA NAMANG PINAG-IBA si Vhong Navarro kay Paul Jake as far as patience as concerned.
Nakarating na sa kanya ang balita na gusto siyang sampal-sampalin ng mommy ng isang sexy dancer dahil hindi niya ito mapagbigyan na mag-guest sa mini-concert ng anak.
Nagbigay naman siya ng abiso sa manager ng sexy dancer na hindi siya makararating dahil may commitment pala si Direk Chito Roño sa isang malaking show ni Vhong sa ibang bansa kasama si John Lloyd Cruz para promo ng commercial niya for a cellphone company.
Before that, Vhong told them na kailangan talaga nilang magpaalam sa batikang direktor. Isa pa, hindi naman mismong araw ng mini-concert siya umatras, eh. May panahon pa sila to look for his replacement. Pero, nagalit ang mommy ng sexy dancer at nagbantang sasampal-sampalin siya kung hindi niya itutuloy ang pagge-guest. Can afford naman daw niyang ibili si Vhong ng round-trip ticket para makabalik agad from his manager’s commitment. As if, napakadali ng alok niya.
Hindi na lang kumibo si Vhong. Handa siyang magpasensiya. Baka ialok pa nga niya ang kanyang magkabilang pisngi sakaling totohanin itong sampalin nga siya. Natawa na lang siya nang malaman na dahil sa pangyayari, nilayasan tuloy ng sexy dancer ang kanyang manager.
BULL Chit!
by Chit Ramos
