UMIIWAS PA RIN si Vic Sotto na pag-usapan ang tungkol sa break-up nila ni Pia Guanio. Sa tamang panahon daw ay magsasalita siya uli, at malamang sa presscon na lang ito ng pelikula nila ni Sen. Bong Revilla na Si Agimat at si Enteng.
Nu’ng nagpa-press visit nga sina Bong nu’ng Sabado, gabi na dumating si Bossing Vic para makaiwas siguro muna sa mga reporter na gustong mag-interview sa kanya.
Nakakaloka naman kasi! ‘Di ba napag-usapan na iyan noon pa? Bakit naulit na naman ngayon? Parang kinumpirma na lang ngayon dahil talagang wala na nga sila?
Kung ang mga taga-Eat Bulaga ang tatanungin mo, wala naman daw silang nakikitang kakaiba sa dalawa. Parang hindi naman daw nag-break. Pero nu’ng natanong ng 24 Oras si Pia, base sa mga sagot niya, parang wala na talaga sila pero na-maintain ang friendship. Ganu’n na nga siguro!
Kaya nu’ng nag-Showbiz Central naman, may teaser pa silang magsasalita si Pia tungkol sa napapabalitang boyfriend nito. ‘Yun pala, si Pia Magalona. ‘Di ba matagal na ring pinag-usapan ‘yan?
Sinubukan ding tanungin si Sen. Bong tungkol sa isyu ni Bossing Vic, wala naman siyang maisagot dahil hindi naman daw nila pinag-usapan ‘yun.
Puring-puri nito si Bossing Vic dahil talagang napaka-propesyunal daw katrabaho at parang naglalaro lang daw sila sa set.
Nasugatan pa nga ang kamay ni Bossing Vic nang aksidenteng natamaan ito ng espada ni ER Ejercito pero hindi niya pinatigil ang shooting. Ayaw niyang maka-delay pa ito sa kanilang shooting kaya bilib na bilib si Bong sa kanya.
‘Yun lang ang isyu nila sa set dahil magaan silang lahat katrabaho pati ang mga bagong leading ladies nila na sina Sam Pinto at Gwen Zamora.
Siguro abangan na lang natin sa promo nitong pelikula nila na pang-MMFF kung mapag-uusapan pa rin ang lovelife nina Vic at Pia.
LALONG TUMAAS NAMAN ang respeto ko kay Ervic Vijandre nang napanood ko siya sa Survivor Philippines nu’ng nakaraang linggo.
Hindi na ito nakapagpigil, napaiyak na ito nang tinanong siya ni Richard kung alin ang mas mahalaga: Ang P3-M na premyo sa Survivor o ang karangalan?
Parehong mahalaga raw sa kanya dahil kailangan din nito ang pera para hindi na raw niya pagtrabahuhin ang Mommy niya. Pero mahalaga rin daw ang karangalan dahil sa nasasaktan na raw ito na laging nakakabit na lang sa kanya ang isyu kay Marian Rivera at pati na nga si Dingdong.
Tinitiis na lang daw niya na minsan tinatawag siyang Marian, Marimar o Dingdong. Mahirap din daw para sa kanya ang pinagdaanan niyang ‘yun.
Nu’ng huling nakausap ko sila nang mag-guest ako roon sa island na pinagteypingan nila, puro tungkol kay Marian at Dingdong pa naman ang mga tanong ko sa kanya. Nasasaktan na pala siya nu’n.
Naawa naman ako sa kanya dahil matagal na pala niyang dinadala ang sakit na ‘yun sa dibdib kaya lalo ko siyang nirespeto.
Naku! Tutulungan ko talaga iyang si Ervic para magkaroon naman siya ng sarili niyang pangalan at hindi laging nakakabit sa kanya ang isyu kina Marian at Dingdong.
Mga Mata ni Lolita
by Lolit Solis
