VICE GANDA recently organized the ‘Vice Ganda Cup Men’s Volleyball Tournament’ na ginanap sa Jose Rizal University Stadium. Sinalihan ito ng 16 teams mula sa iba’t ibang schools gaya ng UP, La Salle, UST at FEU. Hindi lingid sa kaalaman ng publiko that Vice Ganda is a volleyball fanatic.
Paliwanag niya, “Nagkaroon noon ng isang liga ng mga men’s volley kung saan nagtagpu-tagpo ang mga malalakas na team sa buong Pilipinas, pero ‘di ko iyon napanood. Sabi ko, since ‘di ko napanood, gagawa na lang ako ng sarili kong tournament para makita ulit iyong malalakas na teams.”
Ginanap ang finals sa FEU Gymnasium. Ang National University team ang itinanghal na champion sa tournament while the San Juan de Letran and the Adamson University teams won second and third place, respectively. Ipinangako naman niya na hindi ito ang huling Vice Ganda Cup.
Meanwhile, Vice Ganda denied rumors linking him to G Force dancer Jan Stephen Noval. “Kasama ko siya araw-araw kasi barkada kami. ‘Di ba bitbit ko lagi ang mga kabarkada ko kahit saan ako magpunta?”
Photos of him together with a mysterious guy recently surfaced. Pinaghihinalaan tuloy na ang lalaking ito ang siyang nagpapatibok ngayon sa puso ni Vice Ganda. Ayon sa kanya ay hindi na raw niya pinapansin ang mga isyung ibinabato sa kanya tulad sa kanyang lovelife.
Since Vice Ganda is a public figure, wala siyang lusot sa mapanuring mata ng publiko na gustong malaman ang lahat ng mga nangyayari sa kanya. At isa sa mga paboritong paksa tungkol sa mga artista ay ang kanilang lovelife. Tila ba may kung anong magnet ang topic na ito at lahat ay naa-attract kapag may lumulutang na intriga tungkol sa kung sino ang dinedate ni ganitong artista. Kaya ang iba ay mas pinipili na lang manahimik kahit ilang beses mong tanungin.
Pero sa kabila ng lahat ay isang malamang pahayag pa rin ang pinakawalan ni Vice Ganda tungkol sa estado ngayon ng kanyang buhay pag-ibig. “Happy ako. Masaya ang puso ko,” maikli niyang sagot.
Kaibigan, usap tayo muli!
Points of Boy
by Boy Abunda
