MUKHANG MALAYO PA ang lalakbayin ng verbal tussle between Gina Alajar and Suzette Ranillo after the latter finally reacted to the former’s Facebook entry sympathetic to Jinkee Pacquiao.
Mahinahon pero masustansiya ang mga salitang binitawan ni Suzette sa Startalk interview patungkol sa tinawag niyang “Sister Gina” na sangkot sa kontrobersiyang kinapalooban ng kanyang pamangking si Krista Ranillo.
Ayon kay Suzette, huwag daw namang maging faultfinder ang kapwa aktres, much less isisi kay Krista ang kinahinatnan ng pagsasama nila ni Michael de Mesa. Batid naman daw kasi ni Gina what went wrong with their marriage.
Nitong Lunes ay inabangan ng Startalk ang pag-alis ni Gina at the airport. Prior to this ay umoo na siya para hingan ng naturang programa ang kanyang buwelta kay Suzette.
Samantala, if the Startalk viewers thought that Suzette Ranillo interview was a spontaneous one, hindi po. Uncomfortable with ambush interviews, sit-down ang panayam na ‘yon with takes in between until ma-perfect ni Suzette ang kanyang mga sinasabi. Talbog si Direk Gina, dahil mismong si Suzette ang nagdirek sa sarili niya!
NATIYEMPUHAN NG TWEETBIZ over lunch si Dra. Vicki Belo with her family on her birthday (January 25) in a phone patch interview.
Pero sa halip na ang dating nobyong si Hayden Kho ang kanyang kasalo sa mahalagang okasyon na ‘yon, it was her ex-husband Atom Henares with their kids Quark and Krystalle.
Ikinawindang lang namin ang aniya’y set-up nila ngayon ni Hayden, both going through the so-called cool-off period to end this May.
Una kong tanong in mind, Vicki is over 50 while Hayden is about 20 years her junior. Romantic partners out there, correct me if I’m wrong, but it doesn’t sound politically correct for a pair like Vicki and Hayden to practice ‘yang mga cool-off-cool-off na ‘yan given their age! Does it?
Ikalawa, what happens after the cool-off period when everything will have been smoother than ever, sila na uli?
Hay, shades of Kris Aquino-James Yap union, now you see them sweet, now you see them split!
BLIND ITEM: HINDI na bago ang kuwento tungkol sa ilang pulitiko na sa tuwing magpapamahagi ng tulong-materyal sa mga less fortunate ay hindi maaaring walang kodakan. Pose here, pose there ang drama nila right beside the recipients of their act of generosity.
Pero ibang klase ang aktres na ito minsang dumayo sa lugar na kanyang nasasakupan para mamigay ng mga grocery bags. Hala, sige, pitik nang pitik ang kamera habang inaabot niya ang regalo.
But here’s the catch. Pagkatapos ng photo-op, gegetlakin ng kanyang staff ang malalaking grocery bag at papalitan ng maliit. Props lang pala ang nakunan ng litrato.
Pepperoni
by Ronnie Carrasco III
