MASAYANG NAKAUSAP namin at nang iba pang media sa isang event si Vina Morales at ibinalita nitong sobrang busy siya sa rehearsals ng bagong musical play. Ani Vina, “I’m very good. Actually I gonna start doing ‘Rock of Ages’, Atlantis productions are very excited about it, and the cast. So lahat kami, looking forward.”
May dalawang soap opera na raw siyang napalampas dahil sa musical play.“Actually, may dalawa nang na-cancel na soap opera, pero ok lang naman, it’s worth it, kasi I’ve never done musical play. I’ve been here in the business for a long time, this is an opportunity na talagang napakaganda ng role, I’m looking forward to it talaga.”
Bago pa man nagdemanda si Ara Mina sa kanyang kapatid na si Cristine Reyes, kumalat na ang balitang may hindi magandang namagitan sa magkapatid. Kaya naman naitanong namin kay Vina kung sila ba ni Shaina at mga kapatid ay nag-away na rin nang katulad nina Ara at Cristine. “Ahm that’s a no, no sa aming pamilya. Kung meron mang mga misunderstanding, kaagad kailangang ayusin. ‘Di na dapat maipalabas pa, kasi para sa amin napaka-private nu’n. And it never happened na may malaking tampuhan, alam mo ‘yung mga bata-batang tampuhan, very petty, but more than that, I’m just so blessed and thankful na ganu’n ang nangyayari sa pamilya namin.”
Inusisa na rin ng media si Vina tungkol sa balitang nagkakamabutihan na ulit sina Shaina at John Lloyd Cruz. Pero atubiling sagot nito, “Huwag n’yo na akong tanungin naman diyan, dapat sila na.”
“As a sister I’m happy for both of them, pero talagang ayoko na lang magsalita, mas maganda kung sa kanila manggagaling.”
HALOS DALAWANG linggong nanatili si Derek Ramsay sa Boracay para sa dalawang event na may kaugnayan sa kanyang endorsement. Pero pagbalik nito sa Maynila nitong Martes, sabak naman kaagad si Derek para sa taping ng bagong show ni Megastar Sharon Cuneta na Sharon, Kasama mo, Kapatid sa TV5.
Bago magsimula ang taping ay nakausap namin si Papa Derek at malungkot siya sa nangyaring pagkakatanggal niya sa pelikula nila ni Bea Alonzo. Limang araw na raw siyang nakapag-shooting pero kahit papa’no, short-lived ang sadness na ito dahil may bago naman siyang pelikulang gagawin sa Viva kasama sina Anne Curtis at KC Concepcion. Looking forward si Papa Derek to work with KC dahil ages ago pa raw silang nagkasama via MMK.
Sa Sunday, April 29, gagawaran naman si Derek ng Box-Office King award ng Guillermo Mendoza Memorial Scholarship Foundation para sa success ng hit movies niyang No Other Woman at Praybeyt Benjamin.
Ayon pa sa kanya, super excited siya sa nasabing award dahil ito ang kauna-unahan niyang matatanggap sa loob ng kanyang pamamalagi sa showbiz. Giit pa niya, hindi raw niya alam kung ano ang kanyang mararamdaman, baka aw maiyak siya dahil sa saya sa araw na ‘yun.
Well, Congrats Papa Derek!!!
BLIND ITEM: Kinsa siya? Sino itong komedyante na palihim na pinandidirihan ng mga nag-i-interview sa kanya? Ang siste, isang presscon ito para sa kanilang show kaya masaya ang mga reporters na nag-i-interview sa kanya nang mapansin nilang may something sa ilong ng komedyante na labas-masok. Eww, talaga dahil green na green ito and on top of that ay isang malaking ku_a_got ang nasa ibabaw nito na parang mahuhulog na talaga.
Kadiri to the max ang eksena kaya naman minadali na ng lahat na matapos ang interview dahil baka nga naman mahulog ito sa mga mikroponong nakatutok sa kanya.
Naku ha? Kilala raw talaga itong komedyanteng ito na may very poor hygiene. Ewww!!!!
Sure na ‘to
By Arniel Serato
