BLIND ITEM: NAKAKALOKAH. Kelan lang bininyagan ang unang anak, tila may kasunod na ito. Yes, you read it right. Ilang buwan pa lang ang panganay, masusundan na yata.
As of presstime (merong gano’ng factor?), hindi pa dinadatnan ang misis ng young actor at kung buntis nga uli, “Eh, wala namang problema. Blessing ‘yan ni Lord, eh, ‘di tanggapin at i-enjoy!” sey ng young actor.
“Sana lang, ‘wag false alarm!”
Clue? Gusto yata ng young actor, maraming anak. Ayaw niya ng konti lang, eh.
IPINAGMAMALAKI NG TV5 ngayon na kinabog ng Face to Face sa ratings ang mga katapat nitong shows sa ABS-CBN at GMA-7, kaya fiesta ang atmosphere sa show ni Mareng Amy Perez.
In fairness, hindi man sa umaga kami nanonood nito, doon kami sa gabi nanonood, nakakalokah naman talaga ang mga isyung pambarangay na tinatalakay rito. Ang bababaw kung minsan, pero gano’n talaga ang sitwasyon sa mga komunidad na dikit-dikit ang bahay.
At kudos to Amy dahil ang husay niyang maging moderator, in fairness.
Bago tanggapin ni Mareng Amy ang Face To Face, kinonsulta rin niya kami, kaya we’re so happy for my kumare. Go lang nang go.
AT DAHIL ANG dami nang nakaka-miss kay Vice Ganda sa Showtime, dahil nga sa two weeks na bakasyon niya, babalik na siya sa Aug. 23. Galing lang siya ng London, dahil nag-show siya sa Liverpool, England.
At ang nakakabongga pang balita ay na-hit na ni Vice Ganda ang fan page niya to 2 million fans! Kaya siya lang ang natatanging Pinoy personality o celebrity sa history na may gano’n kalaking bilang ng fans!
“At wish ko rin, mama, na sana, gano’n din karami ang manood ng launching movie ko na Petrang Kabayo sa September 29!”
Juice ko, sana nga.
BUKOD SA FACEBOOK account, meron na rin kaming Twitter account. Importante para sa amin na kung ano ang uso, try rin namin para pagdating sa kuwentuhan, hindi naman tayo mahuli sa biyahe, ‘ika nga.
At nakatutuwang in 3 days time, lampas na sa one thou ang followers namin. Yehey!
Si Vice Ganda po ay walang Twitter account, Facebook lang at mahilig din siyang mag-BBM. At ‘yang BBM naman ang next target namin. Hehehe. Social climber na ba ang dating namin?
Ha-ha-ha!
‘Wag n’yong kalilimutang subaybayan ang aming radio program, ang “Wow! Ang Showbiiiz!” sa dwiz 882 sa inyong AM station at maririnig din sa www.dwiz882.com, 11-12 nn kasama sina Rommel Placente, Francis Simeon at Ms. F.
‘Yan ay kung type n’yo lang mag-enjoy, ha?
Oh My G!
by Ogie Diaz
