MEDYO NABAWASAN na ang katabaan ni Wendell Ramos nang makausap namin kamakailan sa Plaza Ibarra. Sadyang nagpataba raw siya dahil sa role na mortal na kalaban ni Derek Ramsay sa Kidlat.
“Kailangan kasi na medyo chubby ang role ko kaya nagpataba ako. Pero ngayon ay balik sa pagdi-diet para maibalik ang dating porma ng katawan,” say ni Wendell.
Sa isyu naman na babalik na siya muli sa GMA 7, magtatapos na kasi ang kontrata niya sa TV5 nga-yong February kaya umu-gong ang balitang babalik na siya sa dating home network.
“Actually, nasa manager ko ‘yan. Pero masaya naman ako sa pangangalaga ng TV 5 kaya walang dahilan para umalis, unless ayaw na nila sa akin. Renewable naman ang kontrata ko sa Kapatid Network kaya posibleng mag-renew ako uli,” paliwanag pa ni Wendell.
Inamin din niya na may offer din daw sa kanya ang ABS-CBN pero tulad ng sinabi niya, nasa manager daw niya ang desisyon.
Samantala, inamin ni Wendell na miss na miss na niya ang mga dating kasama sa Bubble Gang na sina Mi-chael V, Ogie Alcasid atbp. Kaya iwas na iwas siyang mapanood ang BG dahil bukod sa miss na niya ang mga barkada ay nanunumbalik ang mga dati nilang kakenkoyang ginagawa sa naturang gag show.
Ask tuloy sa kanya ng mga press, “Bakit siya umalis sa Bubble Gang at lumipat ng TV 5. Dahil ba sa pangkabuhayan showcase?
“No, hindi naman. Kaya rin naman ng TV 5 ibigay ‘yan. Kayo talaga. The truth. Gusto ko lang talagang makapagtrabaho sa ibang network. Ibang atmosphere at mga kasama. ‘Yun talaga ang dahilan at hindi pangkabuhayan showcase.”
IKINASAL NA ang comedienne na si Chariz Solomon sa long time boyfriend nito kamakailan at gusto na niyang magkaanak kaagad. Pero tila nauudlot ang gusto niya dahil binigyan siya ng afternoon drama series sa GMA 7.
Sabi ni Chariz, oras na mabuntis daw siya ay hindi siya lalabas ng bahay dahil ayaw niyang makita na malaki ang tiyan niya ng mga kaibigan at press.
Ayaw rin niyang magkaanak ng babae dahil natatakot siyang matulad sa mga ginawa niya noon na happy go lucky. Laging nasa club at bar kasama ng barkada.
“Natatakot akong magkaanak na babae. Baka kasi matulad sa akin na laging nasa club at bar. Malandi kasi ako noon. Madalas nga akong mahipuan kapag nasa club at bar. Laging hinihipuan ako sa butt at tinatapik ng mga damuhong manyak.
“Nagtataka nga ako, bakit ang puwet ko ang pinanggigilan nila samantalang malusog naman ang boobs ko, hahaha! Pero nakakatikim ng suntok ang bawat manghipo sa butt ko. Sinasapak ko talaga sila,” tsika ni Chariz.
Sabi pa ni Chariz, ‘di naman daw seloso ang asawa at hindi siya puwedeng pagbawalang mag-artista dahil nagkakilala sila na siya ay isa nang artista.
Ibang Chariz ang mapapanood sa serye. Kung lagi siyang napapanood na nagpapatawa sa Bubble Gang, drama naman siya sa serye.
MAGBABALIK DIN sa Kidlat si Nadine Samonte na binuhay muli at magkakaroon ng kapangyarihan. Sa isyung nagkakamabutihan na raw sila ni Derek Ramsay, sabi ni Nadine, nasa punto pa raw ng getting to know each other sila ni Derek at walang katotohanan may namamagitan na raw sa kanila ng actor.
Single daw si Nadine ngayon kaya ‘di raw isyu kung magkaroon siya ng relasyon sa isang actor. Wala na raw sila uli ng Chinese boyfriend kaya single na single siya at puwedeng magmahal uli.
Biniro tuloy siya ng mga press na, sawa na siya sa baboy kaya tuna naman ang gusto niyang tikman.
‘Di ba anak ni Peping Lechon ang Chinese boyfriend niya at ngayon ay endorser ng Century Tuna si Derek Ramsay?
Oh. C’mon!
By Gerry Ocampo
