NAKU, HA! SIGURO tigilan na iyang isyung nanliligaw daw si Willie Revillame kay Lorna Tolentino.
Ewan ko bakit may lumabas na ganu’ng isyu, pagkatapos sabi naman ni Kris Aquino sa The Buzz, nagbibiro lang daw si Willie.
Hindi naman siguro kailangan niyang biruin nang ganu’n si LT, no!
Si LT naman kasi, siguro walang malisya sa kanya kung nagpapa-close itong si Willie dahil nu’ng nasa hospital si Rudy, dumadalaw naman daw siya roon at tumutulong naman siya kahit papano.
Kaya ayaw na nga ni LT na patulan ‘yang isyung ligawan dahil hindi naman kapatul-patol.
Apektado lang sa isyung ito ang ilang malalapit na kaibigan ni LT na mag-asawang Tirso Cruz III at Lyn Ynchausti.
Napabalita kasing sila raw ang tumutulay kay Willie na makapanligaw kay LT.
Itinatanggi naman ito ng mag-asawa dahil hindi nga raw nila pinag-usapan iyan ni Willie.
Mananatiling tapat na kaibigan daw sila kay Daboy at siyempre hindi naman daw nila pakikialaman ang lovelife ni LT.
Ito naman Willie kung may balak ngang ligawan si LT, siguro dapat tingnan muna niya ang sarili niya sa salamin kung makapapantay man lang daw nito ang kaguwapuhan ni Rudy.
Tsaka, siguro respeto na lang kay Rudy, no!
‘Di ba sabi nina Jinggoy at Bong na babantayan nila si LT para hindi maligawan ng iba kaya ang dami pang dadaanan ni Willie, no!
Si LT naman, wala pa ring panahon sa kung sino mang may balak manligaw dahil bukod sa taping niya sa Dahil May Isang Ikaw, pinagkakaabalahan pa rin nito ang mausuleo ni Rudy.
Inaayos na nito ngayon ang interiors ng mausuleo para pagdating ng Undas ay ayos na ayos na ito.
Other showbiz news today by Lolit Solis:
Mga Mata ni Lolita
by Lolit Solis
