MAY NAGTANONG SA amin. Ba’t daw ‘di pa namin pinangalanan na si Roxanne Guinoo ang tinutukoy namin sa aming blind item dito sa Parazzi na young actress na two months pregnant na?
“Eh, ‘di sana, super scoop ka!”
Hahaha! Juice ko, sa 22 years namin sa business na ‘to, parang ngayon pa ba kami makikipagkarerahan ng scoop? Hindi na.
Ang importante, kahit blind item lang ‘yon, eh, inamin ni Roxanne na siya ay buntis na sa kanyang non-showbiz boyfriend.
Pero sana, ayos na rin ang mommy at magiging biyenan niya, ha?
‘Yun ang aming wish.
BLIND ITEM: MERON namang isang young actor. Nakabuntis din. Actually, 5 months nang pregnant ang non-showbiz girl. Nanghihingi lang ng perang pang-pre-natal check-up sa lalake ‘yong girl, alam n’yo ba ang sabi sa kanya?
“Ba’t hindi mo pa kasi ipalaglag ‘yan?”
Salbaheng lalaki. Kaya hindi na kami nagtataka kumbakit walang nangyayari sa kanyang career. Hanggang ngayon, hindi pa rin siya marunong umarte at ang balita nga namin, “bumu-booking” na lang sa mga bading. For how much? Ay, wala na raw 10k. Kung sino ito? Itanong n’yo sa humahataw sa floor.
BLIND ITEM: MERON namang isang aktres. Nagbuntis na’t nakapanganak na. Alam ‘yan ng mga taga-showbiz. Pero ba’t parang hindi nababalita? News blackout ba?
Oh, well… may nakausap kami. Gusto nang lumantad nu’ng girl. Gusto na niyang aminin sa publiko ang kanyang pagiging ina, ngunit may umaawat lang sa kanya.
Kung ano o sino ‘yon? Oh, well, intindihin na lamang natin.
Pero kung kami sa girl, she should be proud of her kid. Ginawa niya, panindigan niya. Kung career ang iniisip niya, ang mga tao, madaling makaunawa ‘yan. Aminin mo lang sa publiko, matatanggap ka na nila.
Saka ang dami nang may alam na nanay na siya. kaya kung kami sa kanya, since marunong naman siyang umarte, eh, tumanggap na lang siya ng mga mommy roles. Keri lang ‘yan.
Basta ang importante, ‘wag niyang itago ang kanyang anak. Ipagmalaki niyang siya’y biniyayaan ni Lord ng isang bonggang-bonggang blessing.
SINCE WE’RE A Belo baby, hinihikayat na rin kami ni Doc Vicki Belo na magpa-Belo Shape sa kanya. Juice ko, eh, syokot na syokot kami sa ganyan, kaya hayaan n’yo na.
Hindi naman kami sexy actor. Basta ang importante, wala kaming bisyo like yosi, inom ng alak o sugal at nakakatulog kami ng 7 hours.
Sina Jennylyn Mercado at Valerie Concepcion ang mga tinaguriang “Hot Mommas” dahil at an early age, naging madir na sila, pero ang Belo sa kanilang NovaShape ay napapanatili nilang para silang mga walang anak at dalaga pa rin.
Anyway, kami naman, ang importante, eh, sa Belo kuminis ang mukha namin. At ‘yan ang aming ipagmamalaki, promise.
With matching promise daw, o!
‘Wag n’yong kalilimutang makinig palagi sa “Wow! Ang Showbiiiz!’ sa dwiz 882 sa inyong AM station at maririnig din sa www.dwiz882.com, 11-12nn kasama sina Ms. F, Eric Borromeo at Rommel Placente.
Oh My G!
by Ogie Diaz
