BLIND ITEM: BAGO namin isulat ito ay nagdasal muna kami nang taimtim. Na sana, hindi totoo ‘yung nabalitaan namin. Na sana, mabigyan pa ng maraming taon ang buhay niya.
Ang tinutukoy namin ay ang napakabatang mister ng isang young actress. Naikuwento lang sa amin ng isang kaibigan na tinaningan na ito ng six months ng doktor.
“Hindi lang malinaw sa akin kung anong klaseng kanser ang dumapo sa mister niya, pero pati nga kami, na-shock sa taning, eh. So, ano ‘yon, nasa fourth stage na ng big C?”
Sinabi pa rin namin sa aming kausap na sana hindi totoo ang kanyang narinig, dahil kung saka-ling hindi ito palaring ma-extend pa ang buhay ay maagang mabubiyuda ang misis nitong young actress at ang kanilang anak.
Pero sana, may awa ang Diyos at maghimala, ‘no?
Ipinagdarasal namin ngayon na sana, mali ang balitang nakarating sa amin. Basta kung sinuman ito, parati natin siyang ipagdasal. Mun-ting usal ng dasal ay sapat na para maipakita natin ang ating pagdamay.
NO, HINDI KAMI napipikon ‘pag sinasabi nilang kamukha namin ang Pinoy Got Talent grand winner na si Marcelito Pomoy. Naaaliw nga kami, eh.
Actually, ang dami nang mukhang iminukha sa amin. Dati, kahawig namin si Dodie Boy Peñalosa, Rolando Navarette at kahit si Onyok Velasco.
Karangalan naming maging kamukha ng kahit sino. Ang importante, hindi sa hayup ikinukumpara ang mukha namin.
Kaya nga nu’ng ma-sight namin si Marcelito sa backstage ng Happy, Yipee, Yehey! ay nagpa-picture kami.
Hindi pa nakuntento roon, pinanood pa namin ang trio nila nina Toni Gonzaga at Randy Santiago na aliw na aliw kami. Ayun, pinagsalita pa kami.
Kaya ang taguri namin kay Pomoy ay ang nawawala kong bunsong kapatid, dahil magka-fez talaga kami. Hahaha!
Anyway, sobrang ine-enjoy din namin ‘yung feeling (kahit man lang feeling) na ka-fez din namin si Phil Younghusband.
Pero hindi na kami mag-iilusyon pang ma-in love sa amin si Angel Locsin. Baka isipin n’yo, addict na kami. Chos!
“MAS MARAMI PONG tao ngayon kesa last year. Although pareho pong soldout ang concert niya!” ‘Yan ang sabi sa amin ng isang staff ng Araneta management nang makausap namin.
Isang unkabogable at blockbuster concert na naman ang pinatunayan ni Vice sa kanyang second solo major concert sa Araneta last July 1.
Lahat ng kanyang guests ay pinag-shine niya’t pinag-moment niya.
Kahit si Cristine Reyes na nakausap namin sa dressing room niya nu’ng Sabado sa Happy, Yipee, Yehey! ay tuwang-tuwa.
“Sobrang ginanahan ako du’n sa concert ni Vice, kaya tumodo na rin ako. Buti nga, wala si Rayver du’n, eh.”
Pa’no kasi, parang “nilandi-landi” ni Cristine si Derek Ramsay na surprise guest ni Vice. Skin to skin talaga silang dalawa.
Pero alam namin, playtime lang ‘yon to the delight of the audience, pero nagkakaintindihan na sila ni Angelica Panganiban.
Inaalok nga ni Joed Serrano ng repeat si Vice Ganda, pero sabi lang ng tinaguriang “The Unkabogable Icon”, “Magpahinga muna tayo. I-enjoy muna natin ang buhay, saka na natin pag-usapan ‘yan!”
Lukaret pa naman ‘yang si Vice. ‘Pag naisip niyang gawin, siya mismo ang magpa-follow up para gawin na. “Pero makikiramdam muna tayo!” sabi pa niya.
Kung type n’yo kaming sundan sa twitter, i-search lang ang @ogiediaz at sa aming blogsite na www.ogiediaz.blogspot.com at i-like ang aming FB fanpage na “The Ogie Diaz.”
Oh My G!
by Ogie Diaz
