BLIND ITEM: MAS maganda siguro kung sa young actress mismo natin marinig bago natin paniwalaan ang kumakalat na balitang siya’y two months pregnant sa kanyang non-showbiz boyfriend.
Pinipilit kasi kami ng aming source na paniwalaan ang lumabas na balita, dahil idinagdag pa nitong nag-react na ang mga magulang ng young actress. At ang desisyon nito: ipakasal sa lalong madaling panahon ang anak sa non-showbiz boyfriend.
Aware na rin daw ang mga magulang ng lalaki sa nangyari, pero hindi ito pabor sa gustong mangyari ng magulang ni babae, dahil kakakasal lang diumano ng sister nu’ng lalake nitong January lang.
Plus the fact na baka ‘pag nalaman ito ng unang girlfriend (o asawa?) nu’ng lalaki ay baka hindi na makita ng mga magulang nu’ng lalaki ang apo nila rito.
Na-turn-off daw ang magulang nu’ng lalaki, dahil ang gusto pa raw mangyari nu’ng madir ng young actress ay bigyan ng sariling bahay at lupa ng lalaki ang kanilang anak.
“Ambisyosa ang madir, ‘Day! Na-turn-off talaga ang kabilang partido. Parang gusto nilang iligaw na lang ang anak nilang lalaki sa mukha pa namang bulaklak na babaeng ‘yon!”
Oh, well… mahirap namang manghusga sa ngayon, dahil hindi pa namin alam ang panig ni Ms. Flower kung ano ba talaga? Kung buntis siya, aba’y dapat panindigan at harapin ang responsibilidad kahit pa ang katumbas nito’y pagbagsak ng kanyang career.
MERONG GRUPONG SUMALI sa Showtime. Sila’y umaalma kumbakit natalo sila samantalang deserving sila to win. Ngayon, ang sinisisi nila ay si Vice Ganda kumbakit sila natalo.
Napanood namin ang naturang number. Kaya sila nag-win nu’ng una ay punumpuno sila ng energy. Pero nu’ng monthly finals na, eh, ginarbohan nila ang outfit nila, pero bumaba ang kanilang energy.
Ang sabi pa, “Porke hindi lang bumigay kay Vice ‘yung lalakI, ibinagsak na niya ang score!”
Kung kilala namin si Vice, ang kanyang judgment ay hindi niya kayang isakripisyo, dahil lang sa type niya ang isang lalaki o nagpapa-cute sa kanya during their performance.
Saka kahit perfect 10 pa ang ibigay na score ni Vice, eh, kung ‘yung ibang kasama niyang nag-judge, hindi naman din matataas ang score, pa’nong mananalo ‘yon?
Samantalang ‘yung nagwagi, perfect 10 ang score sa lahat ng hurado at ‘yan ay kitang-kita at napapanood pa ng mga Showtimers.
O, ‘di ba? Dahil masyadong effective maging hurado ni Vice, ayan na, naglalabasan na ang mga paninira sa kanya. ‘Wag na sanang mainsekyur. Talagang gano’n ang buhay.
ACTUALLY, TUMAWAG PA ‘yung lalaki sa amin. Humihingi ng sorry, dahil hindi raw totoo ‘yon. Sana raw, tulungan naming mag-explain siya kay Vice Ganda, dahil naaawa raw siya kay Vice.
Sabi namin sa batang ito, siya ang magsalita sa press, dahil hindi niya kami maasahang magsalita. Mabuti na lang kamo at reporter din ang manager ni Vice, kaya kaya naming ipagtanggol ang aming alaga.
Saka, hello?! Kung gustong mag-artista, ‘wag nang gumamit ng ibang tao. Imadyin, hindi pa nga nakikilala, me nakakapit nang nega image?
Happy first anniversary sa “Wow! Ang Showbiiiz!” sa dwiz 882 sa inyong AM station. Siyempre, proud na proud sina Rommel Placente, Daddy Eric Borromeo at Ms. F, dahil nanganganak nang nanganganak ang mga listeners. Kaya ‘wag kalilimutan. From 11-12nn ang “Wow! Ang Showbiiiz!” at maririnig din online sa www.dwiz882.com.
Oh My G!
by Ogie Diaz
