BLIND ITEM: NOW we know kumbakit inisplitan ni “Kuya” si “Showgirl.” Nakikinig lang kami sa kuwento ng aming kausap. Ipinagtapat daw sa kanya ni “Kuya” na kaya siya nakipag-split ay dahil hindi niya “ma-take” ang pinaggagagawa ni “Showgirl.”
Ano ba ang pinaggagagawa ni “Showgirl” na ‘di ma-take ni “Kuya”?
Una, hindi type ni Kuya ang pagka-Gimikera ni Showgirl. Kung kani-kanino na lamang nababalitaan ni Kuya na, “Uy, ‘yung girlfriend mo, lasing na lasing na naman sa bar kagabi,” na siya pa ‘yung the last person to know.
Tapos, me mababalitaan pa si Kuya ng, “Hoy, ‘yung GF mo, sa sobrang lasing, nakipaglaplapan du’n sa kaibigan niya!”
Kaya ito na nga ‘yung pinag-aawayan nila. Na parang ayaw pa ring tumigil ni Showgirl sa kagigimik sa gabi, kaya walang choice, kundi makipag-split si Kuya sa kanya.
Kung kilala naman namin ‘yung girl, hindi naman talaga ‘to easy girl, eh. Talagang happy lang siya drinking with friends. Kaso nga lang, ‘yung laplapan with a friend, hindi na namin alam ‘yon.
Pero alam n’yo ba? ‘Eto ang clue, ha? Hanggang ngayon, love na love pa rin ni Showgirl si Kuya?
‘Wag na kayong manghingi pa ng clue. Mahuhulaan n’yo ‘yan kung updated kayo sa mga showbiz balita.
ANG GUWAPO NI Erik Santos nu’ng huli naming makita ang singer sa ASAP XV nu’ng Sunday. ‘Wag ikagagalit ni Erik, mas guwapo siya ngayon kumpara nu’ng grand finals ng Star In A Million.
At least, tama ‘yon. ‘Yung iba nga, guwapo nu’ng una, pagkatagal-tagal, tsumatsaka. Ibig sabihin, hindi marunong mag-alaga ng sarili. O, kaya, nalulong sa bisyo.
Si Erik, kalokah, walang tiyan. Hindi namin alam kung saan inilalagay ang kinakain. Saka ‘yung kanyang kutis, makinis, huh!
‘Yan ang dapat. ‘Pag artista ka, dapat, ang look mo, artistahin talaga para ‘pag nakita ka in person ng mga fans mo, “Ay, mas guwapo ka pala sa personal!”
Bigla tuloy naming naalala ang sarili namin. Lalo na ngayong nag-iikut-ikot kami sa buong District 3 ng Quezon City dahil nga tumatakbo kaming Konsehal, kadalasang naririnig namin, “Ba’t sa TV, pangit ka? Sa personal, hindi naman.”
At least, hindi namin sila dinisapoynt, huh! Hahahaha! Joke!
SI BILLY CRAWFORD, ang nakatutuwa naman sa batang ito, napaka-down-to-earth. Alam niyang hindi kagandahan ang katawan niya, ipangangalandakan pa niyang, “I’m really fat. Marunong lang akong mandaya!”
Kaya kung napapanood n’yo siya sa ASAP, aakalain n’yong ang ganda-ganda ng katawan niya. Ang checkered polo pala ay nakakapayat tingnan, ‘no?
Pero nakita na namin ang katawan ni Billy. Hindi na lang namin ide-describe dito, dahil napakatsismosa naman ng dating namin.
Mas importante sa amin ‘yung positive attitude ni Billy sa kung ano’ng meron siya, eh, du’n na lang siya nagkakasya. At hindi siya ‘yung tipong hahabulin ang katawan ni Papa Piolo Pascual.
Napanood namin ‘yung isang episode ng Wowowee kung saan naka-orange nu’ng lumabas si Willie, pero pagbalik niya uli sa ere ay naka-white na siya. Pinagpalit pala siya ng damit, dahil bawal ang “political color” sa Wowowee.
At kahapon naman sa Showtime, sa ere ay nagpapasalamat sina Vice Ganda, Vhong Navarro at Anne Curtis sa “orange” na prutas na bigay ni Direk Bobbet Vidanes.
Ano kaya ang ibig sabihin no’n?
‘Wag n’yong kalilimutang makinig palagi sa “Wow! Ang Showbiiiz!’ sa dwiz 882 sa inyong AM station at maririnig din sa www.dwiz882.com, 11-12nn. Siyempre, kasama diyan ang “alamat” na si Ms. F, ang may megaphone sa lalamunang si Rommel Placente at ang “papable” na si Eric Borromeo.
Oh My G!
by Ogie Diaz
