MAY ESPESYAL NA taong binati ang TV host na si Tim Yap sa Party Pilipinas.
“Alam n’yo ba, guys, kausap ko siya kanina. And ang sabi niya, nanonood daw siya palagi ng Party Pilipinas. Kaya hello to Mr. Willie Revillame!”
“NAKU, MARE, MASAKIT sa ulo. Talagang sinusubukan ako ng pagkakataon,” nasambit na lang ni Angelika dela Cruz nu’ng makita namin siya sa isang computer shop sa Morato.
Nagpapa-xerox ng ilang dokumento si Angelika that time. Kasama niya ang kanilang lawyer at ang daddy niyang kalalabas lang ng ospital.
Sobrang hindi pa rin makapaniwala si Shine na mangyayari sa pamilya niya ang sunud-sunod na unos. Una, namatay sa car accident ang kanyang kapatid na si Edward.
Ang tatay niyang si Daddy Ernie dela Cruz ay kalalabas lang ng ospital. Ang kanyang binatang kapatid na si Eric ay apat na operasyon ang pinagdaanan na bawat operasyon, P350 thousand ang halaga.
Tapos, heto’t parang ‘yung pinagpaguran pa ng kapatid niyang si Edward na pinroklama rin bilang pangatlong councilor-elect sa Malabon ay masisilat pa.
“Ang ni-nominate ng Liberal Party eh, si Tiger Mañalac, ‘yung pampitong Konsehal.”
Ilalaban ba nila para mapunta ang naiwang posisyon ni Edward sa pinakamalapit na kamag-anak?
“Hindi. Ilalaban pa rin namin. Basta, bahala na. Naku, mare, ang dami naming inaasikaso ngayon.”
Nu’ng July 10 ay nagkaroon ng fund-raising campaign sa Barrakz para matulungan ang pamilya ni Angelika dela Cruz sa dinaranas nitong problema sa pananalapi.
“Sobrang thankful ako, mare. Lalo na kay Jodi (Sta. Maria) na siyang nakaisip na bigyan kami ng fund-raising campaign. Sobrang touched na touched ako sa kanya at sa iba pang kasama sa industry na talagang nakiisa at dumamay sa pamilya ko. Salamat talaga sa kanila!”
TRUE BA ITO? Na gusto nang kausapin nang masingganan ni Zanjoe Marudo ang inisplitan niyang girlfriend na si Mariel Rodriguez, dahil gusto niyang makipagbalikan sa TV host ng Wowowee?
Kaso, paano?
Sa presscon nga ng sitcom, parang “cold na cold” sila sa isa’t isa, eh.
O, totoong nai-inlove na si Zanjoe sa kapareha niya sa isang episode ng Cinco na si Pokwang?
Alin ba ang kapani-paniwala, nalilito na kami, eh.
‘Yun bang gustong makipagbalikan ni Zanjoe kay Mariel o nai-in love na si Zanjoe kay Pokwang?
‘Wag n’yong kalilimutang makinig sa “Wow! Ang Showbiiiz!” sa dwiz 882 sa inyong AM station at maririnig din sa www.dwiz882.com, 11-12nn.
Kasama siyempre diyan sina Ms. F, Fwend Rommel Placente, Daddy Eric Borromeo. ‘Yan ay kung type n’yo lang maaliw, ha?
Oh My G!
by Ogie Diaz
